ރާއްޖޭގައި ތިބި އިންޑިއާ ސިފައިން ނުބާލަނީސް ”އިންޑިއާ އައުޓް” ހަރަކާތް ހުއްޓުމެއް ނެތް: ޝިޔާމް
ރާއްޖޭގައި ތިބި އިންޑިއާ ސިފައިން ނުބާލަނީސް “އިންޑިއާ އައުޓް”ހަރަކާތް ހުއްޓައިނުލާނެ ކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
އިދިކޮޅު ފަރާތްތަކުން ރާއްޖޭގައި ހިންގަމުންދާ އިންޑިއާ އައުޓް ހަރަކާތް ހުއްޓުވައި، ރާއްޖޭގެ މިނިވަންކަމާއި އިސްތިޤުލާލުގެ ރައްކާތެރިކަން ދެެމެހެއްޓުމަށް ގޮވާލައި ކާށިދޫ ދާއިރާގެ މެމްބަރު ޖާބިރު މަޖިލީހަށް ހުށަހެޅުއްވި ކުއްލި މައްސަލައިގައި ވާހަކަ ދައްކަވަމުން ޝިޔާމް ވިދާޅުވީ، ޕީޕީއެމުން ދައްކަނީ ރާއްޖޭގައި ތިބި އިންޑިއާ ޓީޗަރުންނާއި ޑޮކްޓަރުންނާއި މަސައްކަތްތެރިންގެ ވާހަކަ ނޫން ކަމަށެވެ.
ޕީޕީއެމުން ދައްކަނީ އިންޑިއާއާ އެކު ހަދައިފައިވާ އެއްބަސްވުންތަކުގެ ވާހަކަ ކަމަށާއި އެ އެއްބަސްވުންތަކާ މެދު އޮތް ކަންބޮޑުވުންތަކުގެ ވާހަކަ ރައްޔިތުން ދައްކާ ކަމަށެވެ. އަދި ހުކުރު ދުވަހު އޮތް “ނޭވާހޮޅިއަށް” ހަރަކާތަކީ ބޮޑު ހަރަކާތެއް ކަމަށާއި އެ ހަރަކާތް ކުރިޔަށް ދާނެކަމަށް ޝިޔާމް ވިދާޅުވިއެވެ.
ހުކުރު ދުވަހު އެ ހަރަކާތް ބޭއްވުމަށް ހަމަޖެހިފައިވާއިރު، އެ ހަރަކާތުގެ މައުލޫމާތު ހޯމް މިނިސްޓްރީއަށް ލިބިފައިވާ ކަމަށާއި އެހަރަކާތް ހިންގާ ފަރާތްތަކާއި ބައްދަލުކޮށް ޤާނޫނާއި ޚިލާފް އެއްވެސް ހަރަކާތެއް ހިންގުމަށް ފުލުހުން ޖާގަ ނުދޭނެކަމަށް ދަންނަވައިފައި ވާނެކަމަށް މިނިސްޓަރ އިމްރާން ވަނީ ވިދާޅުވެފައެވެ.
Ads by STO
