ސަރުކާރުގެ ވަޒީރުން ދޮގު ހަދާ ވާހަކަ އެމްޑީޕީގެ މެންބަރުން މަޖިލީހުގައި އެ ދަނީ ކިޔައިދެމުން: ރައީސް ޔާމީން
މި ސަރުކާރުގެ ވަޒީރުން ދޮގު ހަދާ ވާހަކަ ވެރިކަން ކުރާ އެމްޑީޕީގެ މެންބަރުން ވެސް މަޖިލީހުގައި ދަނީ ރައްޔިތުންނަށް ކިޔައިދެއްވަމުން ކަމަށް ކުރީގެ ރައީސް އަބްދުﷲ ޔާމީން އަބްދުލްޤައްޔޫމް ވިދާޅުވެއްޖެއެވެ.
ޅ. ކުރެންދޫ ކައުންސިލު ރައީސް ކަމުގެ އިންތިހާބު އިދިކޮޅު ޕީޕީއެމްގެ ކެނޑިޑޭޓް އިސްމާއިލް މަދީހު ކާމިޔާބު ކުރެއްވުމާ ގުޅިގެން އެކަމުގެ އުފާ ފާޅުކުރުމަށް މިރޭ އެ ރަށުގައި ބޭއްވި ޖަލްސާގައި ވާހަކަ ދައްކަވަމުން ރައީސް ޔާމީން ވިދާޅުވީ އުތުރުތިލަފަޅުގެ ކުރެހުން ނޫހަކުން ގެނެސްދިނީމައި އެމްއެންޑީއެފްއިން ވިދާޅުވީ އެއީ މިހާރުގެ ކުރެހުމެއް ނޫން ކަމަަށެވެ.
"އެބޭފުޅުންނަށް ވެސް މިހާރުގެ ކުރެހުމެއް ނުދެއްކޭނެ. އެބޭފުޅުން އަތަކު އެ ކުރެހުން ނުވެސް އޮންނާނެ" ރައީސް ޔާމީން ވިދާޅުވިއެވެ.
ޑިފެންސް މިނިސްޓަރ މާރިޔާ އަހްމަދުދީދީއަކީ ކުރިން ވެސް ދޮގުހައްދަވާ ބޭފުޅެއް ކަމަށާއި މިހާރު ވެސް ދަނީ ދޮގު ހައްދަވަމުން ކަމަށް ރައީސް ޔާމީން ވިދާޅުވިއެވެ.
މިރޭގެ ޖަލްސާގައި ވާހަކަ ދައްކަވަމުން ރައީސް ޔާމީން އިތުރަށް ވިދާޅުވީ މި ސަރުކާރަށް މިހާރު ހަތަރު އަހަރު ފުރެންދާއިރު، އަދިވެސް ރިބަން ކަނޑަނީ ކުރީ ސަރުކާރުގެ މަޝްރޫއުތަކުގެ ކަމަށެވެ. އަދި ބައެއް ތަންތަން ހުޅުވަން ނުކެރިގެން ބަހައްޓައިފައި ހުރި ކަމަށް ވެސް ރައީސް ޔާމީން ވިދާޅުވިއެވެ.
ވެރިކަމުގެ އިއްޒަތާއި، ލައްޒަތާއި، ޝާނާ ޗަކައުތަކުގެ ފޮނިމީރުކަން ލިބުމަށްފަހު އެ ގެއްލުނީމާ އަނބުރާ އެހޯދަން އުޅުނަކަސް އެކަމެއްދެން މަނިކުފާނަކަށް ވާކަަށެއްނެތް. ރައީސް ނަޝީދު ކަންކުރެއްވި އުސޫލުން ނަމޫނާ ނަންގަވައިގެން އެހެން ކެންޑިޑޭޓެއް ނެެރުމުގެ ވަގުތު މިއޮތީ ޖެހިފައި. ޖަލުހުކުމެއް އިއްވިފައިވާ ކުއްވެރިއަކަށް ވެރިކަން ނުކުރުވޭނެތީ ނަޝީދުވެސް ވަނީ އެކަން ދޫކޮށްލައްވަފައި. އެކަމަކު މަނިކުފާނު ތިޔައުޅުއްވަނީ ވެރިކަމުގެ ފޮނިމީރުކަން ދޫކޮށް ނުލެއްވިގެން.