އެމްޑީޕީ ޗެއާޕާސަން އިންތިޚާބަށް ޖޭޕީގެ ޝައުގެއް ނެތް
އެމްޑީޕީގެ ޗެއާޕާސަންގެ އިންތިޚާބަށް ޖުމްހޫރީ ޕާޓީގެ ޝައުގެއް ނެތް ކަމަށް އެ ޕާޓީގެ ނައިބު ލީޑަރު އިލްހާމް އަހުމަދު ވިދާޅުވެއްޖެއެވެ.
އިލްހާމް މިފަދައިން ވިދާޅުވީ އެމްޑީޕީގެ ޗެއާޕާސަން ކަމަށް ވާދަކުރައްވާ ފައްޔާޒު އިސްމާއިލް އދ. މާމިނގިލީއަށް ކުރެއްވި ކެމްޕޭނު ދަތުރުފުޅުގައި ޖުމްހޫރީ ޕާޓީގެ ލީޑަރު ގާސިމް އިބްރާހިމާ ބައްދަލުކުރައްވައިއި ނަންނަގަވައިފައިވާ ފޮޓޯއެއް މީސް މީޑިއާގައި އާންމުވަމުންދާ ދަނޑިވަޅެއްގައެވެ.
އިލްހާމް ވިދާޅުވީ ބަރުލަމާނީ ނިޒާމާ މެދު އެމްޑީޕީގެ ބައެއް ބޭފުޅުން އުޅުއްވި ދުވަސްވަރު އެމްޑީޕީގެ ރައީސް މުހައްމަދު ނަޝީދު ޤާސިމްއާ ބައްދަލު ކުރައްވަން އެދިވަޑައިގަތުމުން ވެސް ޖުމްހޫރީ ޕާޓީގެ ލީޑަރު މަރުޚާބާ ވިދާޅުވި ކަމަށެވެ.
”ތީ މައްސަލައަކީ. ބަރުލަމާނީ ނިޒާމްގެ ވާހަކަ ދައްކަން ރައީސް ނަޝީދު ވަޑައިގެންނެވީމަ ވެސް އޮނަރަބުލް ޤާސިމް އިބްރާހިމް ވަރަށް އިހްތިރާމާ އެކު ރައީސް ނަޝީދަށް މަރުހަބާ ކިއުއްވި. އެމްޑީޕީގެ ޗެއާރޕާސަންގެ އިންތިޚާބްގައި، ޖޭޕީގެ އެއްވެސް ޝަޢުގުވެރިކަމެއް ނެތް” އިލްހާމް ވިދާޅުވިއެވެ.
މީސް މީޑިއާގައި އެ ފޮޓޯ އާންމުވުމާ ގުޅިގެން ޤާސިމަށް މުޚާތަބުކޮށް އެމްޑީޕީގެ ބައެއް ފަރާތްތަކުން ދަނީ ޗެއާޕާސަން އިންތިޚާބަށްވެ ސް ޤާސިމްގެ ނުފޫޒު ފޯރުވަމުންދާކަމުގެ ތުހުމަތު ކުރަމުންނެވެ.
Ads by STO
