ވަގަށް އެންމެ ގިނައިން ވައްދައިފައި ވަނީ ޕީޕީއެމަށް:އިލެކްޝަންސް
ފާއިތުވި ހަތަރު އަހަރު މީހުންނަށް ނޭނގި އެންމެ ގިނަ ފަރާތްތަކުން ޝަކުވާ ހުށަހެޅީ ޕީޕީއެމްގައި ނަން އޮތުމުން ކަމަށް އިލެކްޝަންސް ކޮމިޝަނުން ވިދާޅުވެއްޖެއެވެ.
އީސީން ރޭ ވަނީ 2018އިން މި އަހަރުގެ މިހައިތަނަށް ، ނޭނގި ޕާޓީތަކަށް ވައްދާފައިވާ ކަމަށް އީސީއަށް ރިޕޯޓުކޮށްފައިވާ އަމިއްލަ ފަރާތްތަކުގެ ތަފާސްހިސާބު އާންމުކޮށްފައެވެ.
އެ ހިސާބުތަކުން ދައްކާ ގޮތުން ފާއިތުވި ހަތަރު އަހަރު ނޭނގި އެންމެ ގިނައިން މީހުން ވައްދައިފައި ވަނީ ޕީޕީއެމަށެވެ. އެގޮތުން ނޭނގި ޕީޕީއެމްގައި ނަން އޮތުމުން 391 ފަރާތަކުން ވަނީ ޝަކުވާ ހުށަހަޅައިފައެވެ. ދެވަނައަށް އެންމެ ގިނައީ އެމްޑީޕީގައެވެ. އެގޮތުން އެ ޕާޓީގައި ނަން އޮތުމުން 213 ފަރާތެއް ޝަކުވާ ހުށަހަޅައިފައި ވެއެވެ.
ޖުމްހޫރީ ޕާޓީއަށް އެގޮތަށް ވައްދައިގެން 144 ފަރާތަކުން ޝަކުވާ ހުށަހަޅައިފައިވާ އިރު އަދާލަތު ޕާޓީއަށް އެގޮތަށް ވެއްދި 66 ފަރާތަކުން ޝަކުވާ ހުށަހަޅައިފައިވާ ކަމަށް އީސީން ބުނެއެވެ.
ނޭނގި ޕާޓީތަކަށް ވައްދާ މައްސަލަ ހައްލުކުރަން އީސީން ކުރަން ނިންމައިފައިވާ ކަންކަމުގެ ތެރޭގައި ޕާޓީތަކުން ހުށައަޅާ ފޯމުތަކުގައި ސޮއިކުރާ މީހުންގެ ވަނަވަރު އާންމުކުރުން ހިމެނެއެވެ.
އަދި ނޭނގި ޕާޓީތަކަށް ވައްދާ މައްސަލަ ހައްލުކުރަން ސައްހަ ނޫން މައުލޫމާތު ހިމެނޭ ފޯމު ހުށަހަޅައިފި ނަމަ ހުށަހަޅާ ކޮންމެ ފޯމަކަށް 10،000ރ. ގެ ޖޫރިމަނާއެއް ކުރެވޭނެކަން ވެސް އީސީން ވަނީ އިއުލާންކޮށްފައެވެ.
އީސީން ކުރާ ވައްކަންތަކުގެ ޝަކުވާ ހުށަހެޅުމުން ބަދަލުހިފަނީކަން ކުޑަކުއްޖަކަށް ވެސް އެނގޭނެ، އިންސާފުން އެއްކިބާވެ ތިބެ ހަޑިމުޑުދާރު ޢަމަލުތައް ހިންގުމަކީ ޖާހިލިއްޔަ ޒަމާނުގެ ކަމެއް، މިޒަމާނުގައި އެފަދަ ޢަމަލުތައް ހިންގާ މީހުން އެ ހިންގަނީ ފިރުޢައުނުގެ ސިޔާސަތު ދިރުވައި އާލާކުރުމުގެ ނޭއްގާނީ ޢަމަލުތަކެއް، ތިމާމެންގެ ހުރި ގޮތްދޫނުކުރުމާއި ބަދަލުހިފުމުގެ ނުބައި ނުލަފާކަން ދެއްކުމުން ތިމާމެންގެ މައްޗަށް ކުރެވޭ ޝައްކުތައް ދުވަހެއް ދުވަހަކަށް އިތުރުވެގެންދާނެކަމީ ޝައްކެއް ވަސްވާހެއް އޮތްކަމެއްނޫން، މިފަދަ މީހުންނަކީ ނުރައްކާތެރި ބައެއްކަން ދަނެ އެބައިމީހުންގެ ކިބައިން ޤައުމު ސަލާމަތްވޭތޯ ﷲގެ ޙަޟްރަތުގައި ގިނަގިނައިން ދުޢާކުރުމަކީ ވަބާއިން މިންޖުވުމުގެ މަގުކަމުކަން ކަށަވަރު.
ތީ މިސަރުކާރުން އީސީއަށް ފައިސާދީގެން ނެރުނު ބަޔާނެއް ވެރިކަން ފޭރިގަތީވެސް އިންޑިއާގެ އެހީގާ ފައިސާގަނޑެއް އީސީއަށް ދީގެން އީސީގާ މިހާރު އޮތީ އަހިވަކަކާ ޖެހި އަހުވަކެއް ފާވާ އުސޫލު، މުޅީން ވެސް ތިބީ ހަމަ އެއްގަލަކުން ފެހިކައިގެން އުޅޭ ރޮނޑުން. ތީކީ އޮޅިފާ އޮތްކަނެއް ނޫން.
އަދި ތި އީސީން ބަޔާނެއް ނެރޭނެ ޕީޕީއެމްގާ ތިންހާސް މެމްބަރުންވެސް ހަމަ ނުވާކަމަށް، ނޭނގޭ ކުޅިގަނޑެއް ނޫނޭ ތި ކުޅެނީކީ.