ސިޔާސީ ކަންކަމުގައި ''ދޫ ފަރިތަ'' ކޮށް ވާހަކަދައްކައިލެވޭތީ ބައެއް މީހުންނަށް ވަރަށް އުނދަގޫވޭ: މޫސަ
ރާއްޖޭގެ ސިޔާސީ ކަންކަމުގައި ''ދޫ ފަރިތަ'' ކޮށް އޭނާއަށް ވާހަކަދައްކައިލެވޭތީ ބައެއް މީހުންނަށް ވަރަށް އުނދަގޫވާކަމަށް ރައްޔިތުން މަޖިލީހުގެ ކުރީގެ ނައިބު ރައީސް އަދި އެމްޑީޕީގެ ކުރީގެ ޗެއާޕާސަން މޫސާ މަނިކު (ރީކޯ) ވިދާޅުވެއްޖެއެވެ.
އޭނާ މިހެން ވިދާޅުވީ ސަންގު ޓީވީން ރޭ ގެނެސްދިން ''ޚަބަރަށްފަހު'' ޕްރޮގްރާމުގައެވެ.
ރާއްޖޭގެ ސިޔާސީ މަސްރަހު އޮތް ގޮތާމެދު ވާހަކަ ދައްކަވަމުން މޫސަ ވިދާޅުވީ ރައީސް އިބްރާހިމް މުޙައްމަދު ޞާލިޙަށް އިތުރު ދައުރެއް ދޭން އޭނާ ތާއީދު ކުރައްވާ ކަމަށެވެ.
ދެވަނަ ދައުރެއް ދިނުމުގައި ރައްޔިތުން ތަރައްގީގެ މަޝްރޫއުތަކާމެދު ވިސްނާނެ ކަމަށާއި ރައްޔިތުން ރައީސް ޞާލިޙްގެ ''ޕާރފޯމަންސަށް'' ވަރަށް ބޮޑަށް ރިއާޔަތް ކުރާނެކަން ފާހަގަ ކުރުމުން މޫސަ ވިދާޅުވީ ތަރައްޤީގެ މަޝްރޫއުތައް މަޑުޖެހުނީ ކޮވިޑާ ގުޅިގެންކަމަށް މި ސަރުކާރަށް ބުނެވެން އެބަ އޮތް ކަމަށެވެ.
މޫސަ ވިދާޅުވީ ވާހަކަ ދައްކަންވާނީ ހަގީގަތަށް ކަމަށެވެ. ނަމަވެސް ރާއްޖޭގެ ސިޔާސީ ކަންކަމުގައި ފަސޭހަކަމާއެކު ''ދޫ ފަރިތަ'' ކޮށް އޭނާއަށް ވާހަކަދައްކައިލެވޭތީ ބައެއް މީހުންނަށް ވަރަށް އުނދަގޫވާކަމަށް މޫސަ ވިދާޅުވިއެވެ. އެހެންވިޔަސް ދޫ ސަލާމަތްކޮށްގެން ރައްކާތެރިކަމާއެކު ބުނަން ބޭނުންވާ އެއްޗެއް ބުނަމުންދާ ކަމަށް މޫސަ ވިދާޅުވިއެވެ.
ރާއްޖޭގެ 80 އިންސައްތަ ،މީހުން ޤަބޫލް ކުރަނީ ރީކޯމޫސަ އަކީ އަނގަހަލުއި މޮޔަ ޖަމަލެއްކަމަށް
ބަބުރުމަންޖެ އަކީވެސް ދޫފަރިތަ މީހެއް. އެޒަމާނުގަ އޭނަގެ މައްޗަކައް ގާނޫނެޢް ވެސް ނުހިނގާ