ޖީއެމްއާރުއަތުން އެއާޕޯޓް އަތުލުމަށް ތަންފީޒީ މަރުހަލާގައި އެންމެ ބޮޑު މަސައްކަތެއް ކުރީ ނާޒިމް: އުޝާމް
އިންޑިއާގެ ޖީއެމްއާރު އަތުން ވެލާނާ އިންޓަނޭޝަނަލް އެއާޕޯޓް އަތުލުމަށް އެންމެ މުހިންމު ދައުރެއް އަދާކުރެއްވީ އެމްއެންޕީގެ ރައީސް މުހައްމަދު ނާޒިމްކަމަށް ރައްޔިތުންގެ މަޖިލީހުގެ ވިލިމާލެ ދާއިރާގެ މެމްބަރު އަހުމަދު އުޝާމް ވިދާޅުވެއްޖެއެވެ.
އުޝާމް މިފަދައިން ވިދާޅުވީ އިންޑިއާގެ ޖީއެމްއާރް ކުންފުންޏަށް ވެލާނާ އިންޓަނޭޝަނަލް އެއާޕޯޓު ވިއްކާލަން ހެދި އެއްބަސްވުން އުވާލުމަށް އެމްއެންޕީގެ ރައީސް މުހައްމަދު ނާޒިމް އާއި، ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އިތުރުން އަދާލަތު ޕާޓީގެ ރައީސް ޝެއިހް އިމްރާން އަބްދުﷲ ބޭނުންނުވި ކަމަށް ރާއްޖޭގެ ކުރީގެ ރައީސް އަބްދުﷲ ޔާމީން ވިދާޅުވުމާ ގުޅިގެންނެވެ.
މިކަމާ ގުޅިގެން އުޝާމް ވިދާޅުވީ އެއަރޕޯޓް އަތުލަން ނިންމީ އޭރުގެ ސަރުކާރުގެ ކެބިނެޓުން ކަމަށެވެ. އޭރު ވެރިކަމުގައި ހުންނެވީ ޑރ. ވަޙިދުއެވެ. 27 ނޮވެމްބަރ 2012 ގެ ކެބިނެޓް ބައްދަލުވުމުގެ ޔައުމިއްޔާތައް މިހާރުވެސް ހުންނަންވާނެ ކަމަށް އުޝާމް ވިދާޅުވިއެވެ. އަދި ކެބިނެޓްގެ ނިންމުން ތަންފީޒުކުރުމަށް އެންމެ މުހިންމު މަސައްކަތެއް އޭރު ކުރި އެކަކީ ނާޒިމް ކަމަށާއި އެ ހަގީހަތް ބަދަލު ނުކުރެވޭނެކަމަށް އުޝާމް ވިދާޅުވިއެވެ.
އިދިކޮޅު ކޯލިޝަނުން ބޭއްވި ޖަލްސާއެއްގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، ރައީސް ނަޝީދުގެ ވެރިކަމުގައި ޕީޕީއެމް އަށް ޖެހުނީ، ޖީއެމްއާރް އަށް އެއާޕޯޓް ދިނުމާއި ދެކޮޅަށް މަސައްކަތް ކުރަން ކަމަށާއި، އޭގެ ފަހުން ރައީސް ވަހީދުގެ ވެރިކަމުގައި ޖެހުނީ، ޖީއެމްއާރު އަތުން އެއާޕޯޓް އަތުލުމުގެ ކަންކަން ކުރަން ކަމަށެވެ.
ދިވެހި ރާއްޖެ ޖުމުހޫރިއްޔަތަކަށް ބަދަލްވީތާ މިވީ އަހަރުތަކުގައި ރާއްޖެ ތަރައްޤީ ނުވި އެންމެ ބޮޑު ސަބަބަކީ ސީޔާސީ ވަގުންގެ ސަބަބުން މުޅިންވެސް އުޅުނީ ދައުލަތުގެ މާލިއްޔަތު ލޫޓުވާ ސިޔާސީ ވަފާތެރި ކެހިވެރި ޗޯރުން !