ރައީސް ޔާމީން މަރަދޫ ''ފިނިފެންމާ ޖަގަހަ'' ހުޅުވައިދެއްވައިފި
ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް އައްޑޫ ސިޓީ މަރަދޫ ''ފިނިފެންމާ ޖަގަހަ'' ހުޅުވައިދެއްވައިފިއެވެ.
މި ޖަގަހަ ހުޅުވައިދެއްވީ މިއަދު މެންދުރުފަހު އެކަމަށްޓަކައި ބޭއްވި ރަސްމިއްޔާތެއްގައެވެ.
އެ ރަސްމިއްޔާތުގައި ވަނީ ޕީޕީއެމާ އަލަށް ގުޅުނު މެންބަރުންގެ މެންބަރޝިޕް ފޯމު ވެސް ރައީސް ޔާމީނާ ހަވާލުކުރައްވައިފައެވެ.
ރައީސް ޔާމީން މިއަދު ހަވީރު ހިތަދޫ ޕީޕީއެމް ޖަގަހަ ވެސް ހުޅުވައިދެއްވާނެއެވެ.
އެމަނިކުފާނު މިހާރު އައްޑުއަށް ކުރައްވަމުން ގެންދަވާ ދަތުރުފުޅަކީ ރިޔާސީ ކެންޑިޑޭޓުގެ ހައިސިއްޔަތުން ކުރައްވާ ދަތުރުފުޅެކެވެ. މި ދަތުރުފުޅުގައި އިއްޔެ ވަނީ ފޭދުއަށް ވަޑައިގެންފައެވެ. މިއަދު ހަވީރު ހިތަދުއަށް ވަޑައިގަންނަވާއިރު އެ ރަށުގައި މިރޭ އޮންނަ ޖަލްސާގައި އެ މަނިކުފާނު ބައިވެރިވެވަޑައިގަންނަވާނެއެވެ.
މި ދަތުރުފުޅުގައި ރައީސް ޔާމީން މަރަދޫފޭދުއާ ހުޅުދޫމީދުއަށް ވެސް ވަޑައިގަންނަވާނެއެވެ.
