އިންތި ރޮޒޭއަށް: ރައީސް ނަޝީދަށް ބޮމުގެ ހަމަލާ ދިނީވެސް މި ވެރިކަމުގައި
ރައީސް މުޙައްމަދު ނަޝީދަށް ބޮމުގެ ހަމަލާ ދިނީވެސް ރައީސް އިބްރާހީމް މުޙައްމަދު ޞާލިޙުގެ ވެރިކަމުގައި ކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ(އިންތި) ވިދާޅުވެއްޖެއެވެ.
އިންތި މިހެން ވިދާޅުވެފައިވަނީ ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމާ ދެމެދު ޓްވިޓަރގައި ކުރެއްވި ހޫނު ޒުވާބެއްގެ ތެރެއިންނެވެ.
މި ޒުވާބު ފެށުނީ ރައީސް މުޙައްމަދު ނަޝީދާ ގުޅޭގޮތުން ރޮޒައިނާ އެކި ފަހަރު އެކި ގޮތަށް ވާހަކަ ދައްކަވާ މަންޒަރު ފެންނަ ވީޑިއޯއެއް ހިއްސާ ކުރައްވައި، ރޮޒައިނާ އަކީ 100 އަނގައިގެ ވެރިއެއް ކަމަށް ވުމީ ބޯހަލާކުވާވަރު ކަމެއް ކަމަށް އިންތި ވިދާޅުވުމުންނެވެ.
އިންތިއަށް ރައްދު ދެއްވައި، ރޮޒައިނާ ވިދާޅުވީ ރައީސް ނަޝީދު، ރައީސް ޔާމީނާއެކުގައި މަސައްކަތް ކުރައްވަންވެސް ތައްޔާރަށް ހުންނެވި ކަމަށް ވިދާޅުވުމުން، އެމްޑީޕީގައި ތިއްބެވި ނަޝީދުގެ ސަޕޯޓަރުން، ރައީސް ޔާމީން ދެކެ ލޯބިވާ ކަމަށް ވިދާޅުވާނެ ކަމަށެވެ.
ރޮޒައިނާއަށް ދެއްވި ރައްދުގައި އިންތި ވިދާޅުވީ 2021 ވަނަ އަހަރުގައި ރައީސް ނަޝީދުގެ ފުރާނަފުޅު ދުއްވައިލުމަށް ހަމަލާ ދިނީވެސް ރައީސް ޞާލިޙުގެ ވެރިކަމުގައި ކަމަށެވެ.
"ލަދެއް ނުގަނޭތޯ؟ ޓެރަރިޒަމް/އެކްސްޓްރީމިޒަމްއާ ދެކޮޅަށް މަަސައްކަތް ކުރާނަމަ، އެ ފަދަ ފަރާތްތަކާއެކު އެ މަސައްކަތް ކުރަން ތައްޔާރު ކަމަށް ރައީސް ނަޝީދު ވިދާޅުވީ." އިންތި ވިދާޅުވިއެވެ.
ރައީސް ޞާލިޙުގެ ފެކްޝަނުގެ މެމްބަރުންގެ ތެރެއިން، ރައީސް ނަޝީދަށް އެންމެ ފާޅުކަން ބޮޑު ގޮތެއްގައި ބަހުގެ ހަމަލާތައް ދެއްވަމުން ގެންދަވާ ބޭފުޅަކީ ރޮޒައިނާއެވެ. ރޮޒައިނާ ވަނީ ނަޝީދަކީ "ޕަވަރ ހަންގްރީ" ބޭފުޅެއް ކަމަށާއި، އެމްޑީޕީއާ ޤައުމުވެސް ހަލާކު ކުރަނީ އެ މަނިކުފާނު ކަމަށް ވިދާޅުވެފައެވެ.
މި ރޮޒޭނާއަކީ ރޔާމީން ދެކެ ހާދަ ބިރެއްގަންނަ މީހެކޭދޯ، ރޔާމީން ނޫޅުއްވައޭ ކޮންމެހެން ރނަޝީދު ޕީޕީއެަށް ގެންނާކަށް، އެހެންނޫނަސް ރނަޝީދު އެހެންޕާޓީއަކާ ގުޅިވަޑައިގަތުމަކީ އެމްޑީޕީް ގެ ނުކުޅެދުންތެރިކަން ހާމަވުން ރޮޒޭނާމެން އެމްޑީޕީއަށް ވަނުމަކީ ރޮޒޭނާގެ ގޮތެއްނެތްކަން ހާމަވާ ކަމެއް، ރޮޒޭނާއަކީ ވަރަށްވެސް ފިތުނަވެރި މީހެއް، ޑީއާރުޕީގަ ހުރިއިރު އެމްޑީް ޕީއަށް ރަތްމަހަށްދާންދެން ގޮވާފަ ހަމަ އެ އަނގަ ހިފައިގެނ އެމްޑީޕީއަށް ވަދެ ރމައުމޫނަށް ބަވާފަ، ހަމައެ އަނގައިން ރމައުމޫނަށް ސަނާކިއާފަ، ރނަޝީދު ވަރެއްނެތިގެން ރނަޝީދުގެ ކުރިބޯށި މަތީގާ ނަށާ ލަވަކިއާ ސަނާއާ މަދަހަ ރނަޝިދަށް ކިއާފަ މިހާރު ހަމަ އެ އަނގައިން ރނަޝީދަށް ރަތްމަހަށް ގޮވުމަކީ ރޮޒޭނާގެ ނުކުޅެދުންތެރިކަމާ ވަށާނުޖެހޭކަމުގެ އެންމެ ބޮޑު އަލާމާތް، އަލޭ ރޮޒޭނާއަށް ރަނގަޅު ކޮންމެސް އެކަކު ހުންނަން ޖެހޭނެތާ،! އިންތި އެވިދާޅުވީހަމަ ރަނގަޅަށް،
ވަރަށް ވެސ ބުއްދިވެރި ބަހެއް އޮވޭ ތިމާއަށް އަނިޔާވެރި ވެފާ މާފަށް އެދެފިނަމަ މާފު ދިނަސް ދެން އެއީކާކުކަން ވިސްނައިގެން އުޅެން، މިއަދު ރނަޝީދަށް ޖެހިފާ އެއޮތީ ބަލައިގެން ނޫޅުއްވުމުގެ ބަލާވެރިކަން.