އަޅުގަނޑުމެން މި ތިބީ ފަހަތަށްޖެހޭ ގޮތަކަށް ނޫން: އިންތި
ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުޙައްމަދު ނަޝީދާ ނުލައި އެމްޑީޕީއަށް ވެެރިކަން ހޯދޭނެ ގޮތެއް ނޯންނާނެ ކަމަށާއި ''މިތިބީ ފަހަތަށް ޖެހޭ'' ގޮތަށް ނޫންކަމަށް މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ ވިދާޅުވެއްޖެއެވެ.
ކުލަބު ހައުސްގައި ވާހަކަ ދައްކަވަމުން އިންތި ވިދާޅުވީ ސަރުކާރު އައުމަށްފަހު ފުރަތަމަ ވެސް އޮޕޮޒިޝަންއެއްގެ ގޮތުގައި ބެލީ ރައީސް ނަޝީދު ކަމަށާއި ސަރުކާރަށް އޮތް އެންމެ ބޮޑު ބިރަކަށް ބެއްލެވީ ރައީސް ނަޝީދު ކަމަށެވެ. އެއީ ރައީސް ނަޝީދުގެ މަގުބޫލުކަން އިތުރުވެ ރައީސް އިބްރާހިމް މުޙައްމަދު ޞާލިޙަށް ދެވަނަ ދައުރެއްގެ ފުރުސަތު ލިބިވަޑައިނުގެންފާނެތީ ކަމަށް އިންތި ވިދާޅުވިއެވެ.
އިންތި ވިދާޅުވީ ވެރިކަމުގެ އެންމެ ފުރަތަމަ ދުވަހު ރޭވިގެން ރައީސް ނަޝީދަށް ޖެއްސުން ކުރަމުންދާ ކަމަށާއި ނަމަވެސް ރައީސް މުޙައްމަދު ނަޝީދުގެ އަގު ވައްޓައިލެވެން ނެތް ކަން ސަރުކާރަށް އެނގިއްޖެ ކަމަށެވެ. އަދި ނަޝީދަށް ޖެންސުން ކުރުމަށް ކުރި ހުރިހާކަމެއް ކޮށް ނިމުމުން ވެސް ސަރުކާރަށް ތާއީދެއް އިތުރެއް ނުވި ކަމަށް އިންތި ވިދާޅުވިއެވެ. އަދި ނަޝީދު ވިދާޅުވިޔަސް ނުވަތަ އޭނާ ވިދާޅުވިޔަސް ރައީސް ޞާލިޙަށް ދެން ދޭނެ އިތުރު ވޯޓެއް ނޯންނާނެ ކަމަށް އޭނާއާ ދިމާވާ ކޮންމެ މީހަކުހެން ބުނަމުންދާ ވެސް އިންތި ވިދާޅުވިއެވެ.
އަދިވެސް އެމްޑީޕީގައި އެންމެ މަގުބޫލު ބޭފުޅަކީ ރައީސް ނަޝީދުކަން ސަރުކާރަށް އެނގިއްޖެ.
އިންތި ވިދާޅުވީ ރައީސް ނަޝީދު ކަހަލަ ލީޑަރުން ދުނިޔޭގެ ފެންވަރުގައި ވެސް މަދުވާނެ ކަމަށާއި މި ރާއްޖޭގައި އުޅުއްވާ ސިޔާސީ ބޭފުޅުންނަށް އަދި ނަޝީދާ ގާތްވެސް ނުކުރެވޭނެ ކަމަށެވެ. ވިދާޅުވީ ހަތަރު ފަރާތުން ދިމާކޮށްލިއިރު ވެސް އަދިވެސް މިއުޅެނީ ރައީސް ނަޝީދު ބަލިކޮށްނުލެވިގެން ކަމަށެވެ.
އެ ބޭފުޅާއަށް [ޞާލިޙް] އެނގޭނެ އަދި ރައީސް މުޙައްމަދު ނަޝީދާ ނުލާ ނެތްކަން ވާކަށް. ރައީސް ނަޝީދާ ނުލައި އެމްޑީޕީއަށް ވެެރިކަން ހޯދޭނެ ގޮތެއް ވެސް ނޯންނާނެކަން އެ ބޭފުޅުންނަށް މާ ރަނގަޅަށް އެނގޭނެ. އެހެންވީމަ އަޅުގަނޑުމެން މިތިބީ ފަހަތަށް ޖެހޭކަށް ނޫން.
ދެވަނަ ދައުރަކަށް ކުރިމަތިލައްވަން ޕްރައިމަރީގައި ވާދަކުރައްވާނެ ކަމަށް ރައީސް ޞާލިޙް ވިދާޅުވެފައިވާއިރު ނަޝީދު ވެސް ވަނީ ޕްރައިމަރީގައި ވާދަކުރެއްވުމުގެ ޝައުގުވެރިކަން ފާޅުކުރައްވައިފައެވެ.
އެމްޑީޕީން މިއަދު ހާމަކުރި ގޮތުގައި ރިޔާސީ ޕްރައިމަރީ އޮންނާނީ 28 ޖެނުއަރީ 2023 ވާ ހޮނިހިރު ދުވަހުއެވެ. ކުރިމަތިލުމުގެ ސުންގަޑިއަކީ މި މަހުގެ 24 ވާ ހޮނިހިރު ދުވަހުގެ ހަވީރު 16:00 އެވެ.
ބަލަހޭބަލިވާ ބުއްޅަބޭއޭ އިބޫސޯލިހުއާ ޖެހިގަތީ،ބަރުލަމާނީ ބާޢްވާނެކަމަށް ސޯލިހު ވިދާޅު ނުވެގެން އިބޫއަކީ އަންނި ބުއްޅަބޭއަށްވުރެ އެއްހާސްގުނަ ރަނގަޅުމޮޅު ބޭފުޅެއް ވަރަށް ވަރަށް ސާފް
ތިކަން މާޒީވެއްޖެ ދެން އަށްވެސް ވަރަށްސަލާން
ދެން މާފަންނު ދެކުނަށްވެސް އިންތި ނޫން އެހެން ގޮތެއް! ލައްކަ ދުވަސްވެއްޖެ ތިހެން ބޮޑު މުސާރަ ކާލައިގެން ހުންނަތާ. ރައްޔިތުމީހާއަށް ވީކަމެއް ހަރާން.