ރައީސް ނަޝީދު އިންތިޚާބު ކާމިޔާބު ކުރައްވައި، ޕާޓީ އަސްލަށް ރުޖޫޢަ ކުރައްވާނެ: އިންތި
ވެރިކަން ކުރާ މައި ޕާޓީ، އެމްޑީޕީގެ ރިޔާސީ ޕްރައިމަރީ، އެ ޕާޓީގެ ރައީސް މުޙައްމަދު ނަޝީދު ކާމިޔާބު ކުރައްވާނެކަމަށް ޔަޤީން ކުރައްވާ ކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ވިދާޅުވެއްޖެއެވެ.
ޖެނުއަރީމަހުގެ 28 ވަނަ ދުވަހު، އެމްޑީޕީގެ ރިޔާސީ ޕްރައިމަރީ ބާއްވަން ނިންމައިފައިވާއިރު، މި އިންތިހާބުގައި ވާދަކުރައްވާނީގެ، އެ ޕާޓީގެ އިސް ލީޑަރު، ރައީސް އިބްރާހީމް މުޙައްމަދު ޞާލިހާ، އެ ޕާޓީގެ ރައީސް މުޙައްމަދު ނަޝީދެވެ.
އިންތިޚާބަށް ރައީސް ނަޝީދަށް ތާއީދު ފޯމު ހޯއްދެވުމުގެ މަސައްކަތް، އެ މަނިކުފާނުގެ އަރިސް މެމްބަރުން ފޯރީގައި ކުރިއަށް ގެންދަވާއިރު، މި ހަރަކާތުގެ ތެރެއިން އިންތި ވިދާޅުވީ ރައީސް ނަޝީދު މި އިންތިޚާބު ކާމިޔާބު ކުރައްވައި، އެމްޑީޕީ، އެ ޕާޓީގެ "އަސްލަށް" ރުޖޫޢަ ކުރައްވާނެ ކަަމަށެވެ.
އިންތި އިތުރަށް ވިދާޅުވީ، އެމްޑީޕީގެ ރިޔާސީ ޕްރައިމަރީ އަކީ މުޅި ޤައުމުގެ މުސްތަޤްބަލާވެސް ގުޅިފައިވާ ވަރަށް މުހިންމު އިންތިޚާބެއް ކަމަށެވެ.
ޕްރައިމަރީގައި ވާދަކުރުމަށް ފޯމު ހުށަހެޅުމުގެ ފަހު ދުވަހަކީ އަންނަ ހޮނިހިރު ދުވަހެވެ. އެމްޑީޕީ ޕްރައިމަރީގައި ވާދަކުރެވެނީ ޕްރައިމަރީގައި ވާދަކުރުމަށް ތާއީދުކުރާ އެމްޑީޕީގެ 500 މެންބަރުންގެ ތާއީދު ފޯމު ހުށަހެޅުމުންނެވެ.
Ads by STO
