ގާސިމްގެ އެޑްވައިޒަރ ކަން ހަވާލުކުރުމާއެކު ހަނަފީ ޖޭޕީއިން ވަކިވެއްޖެ
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އެޑްވައިޒަރ ކަން ހަވާލުކުރިތާ އެއްދުވަސް ފަހުން މުހައްމަދު އަހްމަދު (ހަނަފީ) އެ ޕާޓީން ވަކިވެއްޖެއެވެ.
އިމިގްރޭޝަން ކޮންޓްރޯލަރުގެ މަގާމުގައި ހުންނެވި ހަނަފީ ގާސިމްގެ އެޑްވައިޒަރގެ މަގާމަށް އައްޔަން ކޮށްފައިވަނީ އިއްޔެއެވެ.
ޕާޓީން ވަކިވުމަށް ނިންމާ ފޮނުވި ސިޓީގައި އޭނާވަނީ ޖޭޕީގެ ވިސްނުން މިއަދު ހުރީ ގައުމަށް އެންމެ ފައިދާ ހުރި ގޮތަށް ނޫންކަމަށާއި އެޕާޓީގެ މެމްބަރެއްގެ ގޮތުގައި އެ ޕާޓީއަށް އިހުލާސްތެރި ހިދުމަތްތަކެއް ކޮށްދެވިފައިވާކަމަށް ގަބޫލު ކުރައްވާ ކަމަށެވެ.
ގާސިމްގެ އެޑްވައިޒަރކަމަށް އިއްޔެވަނީ އަލަށް 4 ބޭފުޅަކު އައްޔަން ކުރައްވައިފައެވެ. މިގޮތުން އައްޔަން ކޮށްފައިވާ ބޭފުޅުންނަކީ ހަނަފީ އާއި، ޔަޝްފާ އަބްދުލްޣަނީ އާއި ހަސަން މުޢުނީ އާއި އަބްދުﷲ އަހުމަދެވެ.
ހަނަފީއަކީ އެންމެ ފަހުން ބޭއްވި ޖޭޕީގެ ކޮންގްރެސްގައި އެ ޕާޓީގެ ޑެޕިއުޓީ ލީޑަރުކަމަށް ވާދަކުރެއްވި ބޭފުޅެކެވެ. އެކަމަކު، އެ އިންތިހާބު އޭނާ އަށް ކާމިޔާބެއް ނުވިއެވެ.
