ހިޔާލީ ދުނިޔޭގައި ކަންކަން އިސްލާހު ކުރުމާއި އަމަލީ ދުނިޔޭގައި އިސްލާހު ކުރުމާއި ވަރަށް ތަފާތު:އިމްރާން
ހިޔާލީ ދުނިޔޭގައި ކަންކަން އިސްލާހު ކުރުމާއި އަމަލީ ދުނިޔޭގައި އިސްލާހު ކުރުމަކީ ވަރަށް ތަފާތު ދެކަމެއްކަމަށް ހޯމް މިނިސްޓަރ އިމްރާން އަބްދުﷲ ވިދާޅުވެއްޖެއެވެ.
މިނިސްޓަރ އިމްރާން މިހެން ވިދާޅުވީ މިއަދު ކުރެއްވި ޓްވީޓެއްގައެވެ. މިޓްވީޓުގައި އެމަނިކުފާނު ވިދާޅުވީ ހިޔާލީ ދުނިޔެ ކޮންމެ މީހަކަށްވެސް އިސްލާހު ކޮށްލެވިދާނެކަމަށެވެ.
"ހިޔާލީ ދުނިޔޭގައި ކަންކަން އިސްލާހު ކުރުމާއި އަމަލީ ދުނިޔޭގައި ކަންކަން އިސްލާހް ކުރުމަކީ ވަރަށް ތަފާތު ދެކަމެއް. ހިޔާލީ ދުނިޔެ ކޮންމެ މީހަކަށްމެ އިސްލާހު ކޮށްލެވިދާނެ. ނަމަވެސް އަމަލީ ދުނިޔެ އިސްލާހު ކުރެވޭނީ އިލްމާއި ހިލްމު އެއްކޮށް އަޒުމާއި ހިތްވަރާ ހިކުމަތު އަމަލީ އެއްކޮށް ކެތްތެރިވެގެން" މިނިސްޓަރ އިމްރާން ވިދާޅުވިއެވެ.
އަދާލަތު ޕާޓީގެ ރައީސް ކަންވެސް ކުރައްވާ ޝެއިހް އިމްރާން ގެންދަވަނީ މިރޯދަމަހުގައި ދީނީ އަދި އިލްމީ އެކިއެކި ޓްވީޓްތައް ގިނަ ގިނައިން ކުރައްވަމުން ކަން ފާހަގަކޮށްލެވެއެވެ. މީގެ އިތުރުން އިމްރާން ގެންދަވަނީ ޓްވިޓާގައި ސިޔާސީ ގިނަ ހިޔާލުތައް ފާޅުކުރައްވަމުންނެވެ.
