ޑރ.ނާޒު ސިޔާސީ މައިދާނަށް، ސޮއި ކުރެއްވީ ޖޭޕީ އަށް
މަޝްހޫރު ސައިކޮލޮޖިސްޓް ޑރ. އައިޝަތު ޢަލީ ނާޒް )ޑރ. ނާޒް) ޖުމްހޫރީ ޕާޓީއާއި ގުޅިވަޑައިގެންފިއެވެ.
މިއީ ޑރ.ނާޒް ސިޔާސީ ޕާޓީއަކާ ގުޅިވަޑައިގެންނެވި ފުރަތަމަ ފަހަރެވެ.
ޑރ. ނާޒް ޖޭޕީއަށް ސޮއި ކުރައްވައި، މިއަދު ވަނީ ސޮއި ކުރެއްވި ފޯމު ޖުމްހޫރީ ޕާޓިއަށް ހުށަހަޅުއްވައިފައެވެ.
މާލޭގައި ހިންގާ ނަފްސާނީ ބަލިތަކަށް ފަރުވާ ދޭ ކްލިނިކެއް ކަމަށްވާ މިޕްސްޓާގެ ވެރިޔާ އަދި މަޝްހޫރު ސައިކޮލޮޖިސްޓް ޑރ. ނާޒް ޖޭޕީ އާއި ގުޅިވަޑައިގެންފައިވާއިރު، ގިނަ ބަޔަކު ދަނީ އެ ޕާޓީއާ ވަކި ވަމުންނެވެ.
ޖޭޕީގެ ސްލޮޓްތަކުގައި ސިޔާސީ މަޤާމުތަކުގައި ތިއްބެވި ބައެއް ފަރާތްތައް އިސްތިއުފާ ދެއްވައިފައިވަނީ، އެ ޕާޓީގެ ލީޑަރު ޤާސިމް އިބްރާހީމް ރިޔާސީ ރޭހަށް ނުކުންނަވަން ނިންމެވުމުންނެވެ.
މިގޮތުން ޕާޓީން ވަކިވެވަޑައިގެންނެވި ބޭފުޅުންގެ ތެރޭގައި، އެމްޓީސީސީގެ ސީއީއޯ އާދަމް އާޒިމާއި، ޓުއަރިޒަމް މިނިސްޓަރު މައުސޫމް ފަދަ ބޭފުޅުން ހިމެނިވަޑައިގަންނަވައެވެ.
ޖޭޕީއަށްވާނީ ގެއްލުން. ނާޒަކީ މީހުންގެ ނަރުފަރު ލިބިފައިވާ މީހެއްވީމާ ލިބޭނެ އެއްވެސް ފައިދާއެއްނެތް.