މޮރިޝަސް ސިޓީއާއެކު ރައީސް ޞާލިހު ގައްދާރުވެއްޖެ، މަގާމުން ދުރުކުރަން ޖެހޭވަރު ކުށެއް: ދުންޔާ

މޮރިޝަސް އަށް ފޮނުވި ސިޓީއާއެކު ރައީސް އިބްރާހިމް މުހައްމަދު ޞާލިހު ގައްދާރުވެއްޖެކަމަށާއި އެއީ މަގާމުން ދުރުކުރަން ޖެހޭވަރު ކުށެއްކަމަށް ކުރީގެ ފޮރިން މިނިސްޓަރ ދުންޔާ މައުމޫން ވިދާޅުވެއްޖެއެވެ.

Ads by STELCO

ރާއްޖޭގެ އިމުގެ މައްސަލައިގައި މިއަދު އިޓްލޮސް އިން ކުރި ހުކުމާއި ގުޅިގެން ދުންޔާ ކުރި ޓްވީޓެއްގައި ވަނީ މިމައްސަލަ ތަހުގީގު ކުރުމަށް މޯލްޑިވްސް ޕޮލިސް ސާރވިސްއަށް ގޮވާލައިފައެވެ. އަދި މިމައްސަލައިގައި ތުހުމަތު ކުރެވޭ ރިޝްވަތުގެ މައްސަލަ ތަހުގީގު ކުރުމަށް އޭސީސީއަށް ވެސް އޭނާވަނީ ގޮވައިލައްވާފައެވެ. ދުންޔާ ވިދާޅުވީ ގާނޫނު އަސާސީ ދެމެހެއްޓުން ފެއިލްވެފައިވާކަމަށެވެ.

ރާއްޖެއާއި ޗާގޯސް އާކިޕަގޯއާއި ދެމެދު އެއްވެސް ފަރާތަކަށް 200 ނޯޓިކަލް މޭލު ހަމަނުވެ، އިޤްތިޞާދީ ޚާއްޞަ ސަރަޙައްދު (އީއީޒެޑް) ފުށުއަރާ 95،000 އަކަކިލޯމީޓަރުގެ ސަރަޙައްދެއް އޮވެއެވެ. ނަމަވެސް ޗާގޯސްގެ ސިޔާދަތީ ބާރުގެ މައްސަލަ ނިމިފައިނުވާތީ، އެ ސަރަހައްދުގެ އިން އެއްވެސް އިރެއްގައި ކަނޑައަޅާފައެއް ނުވެއެވެ.

އިޓްލޮސްއިން މިއަދު މެންދުރު ފަހު ރާއްޖެ ގަޑިން 2 ޖެހިއިރު އިއްވި ހުކުމްގައި ބުނީ ރާއްޖެ އާއި ޗާގޯސްއާ ދެމެދުގައިވާ ފުށުއަރާ ކަނޑުގެ ސަރަހައްދު ބެހުމުގައި ބަލަން ޖެހޭނީ ރާއްޖޭން ވަކާލާތުކުރި ގޮތަށް ޗާގޯސްގެ އައްސޭރިފަށުން ފެށިގެން ކަމަށެވެ. މިއާއެކު ރާއްޖޭގެ މަސްވެރިން މަސްވެރިކަން ކުރާ ކަނޑުގެ ސަރަހައްދުން 40000 އަކަ ކިލޯ މީޓަރަށްވުރެ ބޮޑު ބައެއް ގެއްލޭނެއެވެ.