ފަރީލާ އެމްޑީޕީއާ ގުޅިއްޖެ

ރާއްޖޭގެ ފިލްމީ ތަރި ފާތިމަތު ފަރީލާ، ވެރިކަން ކުރާ އެމްޑީޕީ އަށް ސޮއިކޮށްފިއެވެ.

Ads by MWSC

އޭނާ އެމްޑީޕީއާ ގުޅުނު ފޯމާއި ހަވާލުވެވަޑައިގެންނެވީ އެމްޑީޕީގެ އިސް ލީޑަރު، ރައީސް އިބްރާހީމް މުޙައްމަދު ޞާލިޙެވެ.

ފަރީލާގެ އިތުރުން ކުޅަދާނަ މިއުޒީޝަން އަދި ފިލްމީ ތަރި ޙުސެއިން ސޮބާހު (ސޮބާ) ވެސް ވަނީ އިއްޔެ އެމްޑީޕީ އަށް ސޮއިކޮށްފައެވެ.

އެމްޑީޕީއަށް މެމްބަރުން އިތުރު ކުރުމުގެ މަސައްކަތް ކުރަމުން އަންނައިރު، އެ ޕާޓީގެ ކުރީގެ ރައީީސް މުޙައްމަދު ނަޝީދަށް ވަފާތެރި މެމްބަރުން ގެންދަނީ އެ ޕާޓީން ވަކިވަމުންނެވެ.

ރައީސް ނަޝީދު އެމްޑީޕީން ވަކިވެވަޑައިގަންނަވައި، އައު ސިޔާސީ ޕާޓީ "ދަ ޑިމޮކްރެޓްސް"އަށް ސޮއި ކުރެއްވުމަށް ފަހު، އެމްޑީޕީގެ މެމްބަރުން އެ ޕާޓީ ދޫކޮށްލަން ގޮވައިލައްވައިފައިވެއެވެ.