ހަރުކަށި ފިކުރާ ދެކޮޅަށް ސަރުކާރުން އެއްވެސް ކަމެއް ނުކުރައްވާ, މަސައްކަތް ކުރަނީ އެކަންތައްތައް ފޮރުވަން: ރައީސް ނަޝީދު
ހަރުކަށި ފިކުރާ ދެކޮޅަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ސަރުކާރުން އެއްވެސް ކަމެއް ނުކުރައްވާ ކަމަށާއި މަސައްކަތް ކުރަނީ އެކަންތައްތައް ފޮރުވަން ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވީ ރާއްޖޭގައި ހަރުކަށި ފިކުރުގެ މީހުންގެ މައްސަލަތައް ތަހުގީގުކޮށް، ދަތިކުރުމުގެ ފިޔަވަޅު އަޅައި، މައުލޫމާތު އާންމުކުރުމުގެ ގާބިލުކަން އެމެރިކާއަށް އެބައޮތް ކަމަށެވެ. އަދި މިއީ ކަންބޮޑުވާ ކަމެއް ކަމަށާއި ހަރުކަށި ފިކުރާ ދެކޮޅަށް ސަރުކާރުން ކުރަމުންދާ މަސައްކަތަކީ އެކަންތައްތައް އަމަލީ ގޮތުން ފޮރުވުން ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު މިފަދައިން ވިދާޅުވީ ޓެރަރިސްޓް ޖަމާއަތްތަކަށާއި ޓެރަރިސްޓުންނަށް ފައިސާގެ ގޮތުން އެހީތެރިވެދޭ ކަމުގެ ތުހުމަތުގައި 20 ދިވެހިންނާއި 29 ދިވެހި ކުންފުންޏަކަށް ދަތިކުރުމުގެ ފިޔަވަޅުތައް އެޅުމަށް އެމެރިކާގެ ޑިޕާޓްމަންޓް އޮފް ޓްރެޝަރީޒް އޮފީސް އެންޑް ފޮރެއިން އެސެޓްސް (އޯފެކް) އިން ނިންމުމާއި ގުޅިގެންނެވެ.
މި މީހުންނާއި ކުންފުނިތަކަށް ތުހުމަތުކުރަނީ އައިސިސް އާއި އަލްގައިދާ ފަދަ ހައްދުފަހަނައަޅާފައިވާ ހަނގުރާމަވެރި ޖަމާއަތްތަކަށް ފައިސާގެ ގޮތުން އެހީވެދީ ޓެރަރިސްޓުންނަށް ހިތްވަރުދޭ ކަމަށެވެ.
ޓެރަރިޒަމް އެންޑް ފައިނޭންޝަލް އިންޓެލިޖެންސްގެ ޓްރެޝަރީޒް އަންޑަ ސެކްރެޓަރީ ބްރަޔަން އީ ނެލްސަން ވިދާޅުވީ އައިސިސް އާއި އަލްގައިދާގެ އޮޕަރޭޓަރުންނާއި ފެސިލިޓޭޓަރުންނާ ދެކޮޅަށް ޓްރެޝަރީޒް އަޅަމުންދާ ފިޔަވަޅުތަކުގެ ސަބަބުން ދުނިޔޭގެ އެކި ކަންކޮޅުތަކުގައި ޓެރަރިސްޓް ހަމަލާތަކަށް މާލީ ގޮތުންނާއި އެހެނިހެން ގޮތުން އެހީތެރިކަން ފޯރުކޮށްދިނުން ހުއްޓުމަކަށް ގެނެވޭނެ ކަމަށެވެ.
ރާއްޖޭގަ ހުރި އެންމެ ކަށި ހަރު ނުވަތަ ހަރުކަށި މީހަކީ ނަސީދު . އެކަންއެގޭނީ ގާނޫނުއަސާސީ ގަޑުބަޑުކޮށް ބާރުތައް އަތަށް ނެގިކަމަށް ލިއުނު ލިުމާއި ގާނޫނުއަސާސީ ހުއްޓިފަ އޮތްކަމަށް ނުވަތަ އަމަލުކުރުން ހުއްޓާލިކަމަށް ކުރި އިއުލާނާއި ޔާމީނާއި ގާސިމާއި ނާޒިމް އަދި ގާޒީ ގާނޫނުއަސާސީއޢިހިލާފަށް ހައްޔރުކުރުމާއި ބޮމުގެ މައްސަލައެއްގަ މީގެ ކުރިންހައްޔަރުކޮށްފަ އޮތުމުން ހަރުކަށިވާނީ މިވަރު އަހަރެންވެރިކަމުގަ ހުރިނަމަ ބާއްވާނީ އުމުރަށް ޖަލުގަ.