ރައީސް ޔާމީނާއި ރައީސް ނަޝީދުގެ ދުވަސްތައް ނިމިއްޖެ: އަލީ ޒައިދު

ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު އަދި ޕްރިގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ރައީސް ޔާމީން އަބްދުލްޤައްޔޫމްގެ "އެރާ" ނިމިއްޖެކަމަށް ޝެއިހް އަލީ ޒައިދު ވިދާޅުވެއްޖެއެވެ.
ޒައިދު ކުރެއްވި ޓްވީޓެއްގައި، މާލެ ސިޓީ ކައުންސިލުގެ މޭޔަރު ޑރ މުޙައްމަދު މުއިއްޒު ޕީޕީއެމް "ފަތަޙަކުރެއްވި" ގޮތަށް މަރުހަބާ ދަންނަވަމުން ވިދާޅުވީ، އެބޭފުޅާ ދެކޭގޮތުގައި ރައީސް ޔާމީނާއި ރައީސް ނަޝީދުގެ ސިޔާސީ ދުވަސްތައް ނިމުނީކަމަށާއި، ދެން އެންމެ ރަނގަޅުވާނީ އެ ދެބޭފުޅުން ރިޓަޔަރކުރެއްވުން ކަމަށެވެ.
https://twitter.com/alizaid1000/status/1688160197959938048
މީގެއިތުރުން، ޕީޕީއެމްއަށް ބޮޑެތި ބަދަލުތަކެއް ޑރ. މުއިއްޒު ގެންނަވާނެކަމަށް ޒައިދުވަނީ ލަފާކުރައްވާފައެވެ.
އަންނަ ރިޔާސީ އިންތިޚާބުގައި ޕީޕީއެމްގެ ކެނޑިޑޭޓް، ކުރީގެ ރައީސް ޔާމީން އަބްދުލްޤައްޔޫމުގެ ކެނޑިޑެސީ އިލެކްޝަނުން ބަލައި ނުގަތީ ރަނގަޅަށް ކަމަށް، ސްޕްރީމް ކޯޓުގެ ހަތް ފަނޑިޔާރުންގެ އިއްތިފާގުން ނިންމާފައިވާއިރު ޕީއެންސީގެ ރިޔާސީ ކެންޑިޑޭޓު ޑރ. މުޙައްމަދު މުއިއްޒުގެ ކެންޑިޑޭސީ ފޯމުވަނީ އީސީއަށް މިއަދު ހުށަހަޅާފައެވެ.
ދަ ޑިމޮކްރެޓްސްއިން އިލްޔާސް ލަބީބު އިންތިހާބުގައި ވާދަކުރައްވާއިރު، އެބޭފުޅާގެ ކެންޑިޑެސީ ފޯމުވެސް ވަނީ އިއްޔެގެ ވަގުތެއްގައި އީސީއަށް ހުށަހަޅާފައެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.