"ފަސް އަހަރުން ނުނިމުނީމަ ދެން އެކުލަވާލަން އުޅުމުގެ ބޭނުމެއް ނެތް. އަޅުގަނޑު ދެން ރައީސްއަށް އިލްތިމާސްކުރަން އޮތީ ދެން ފައިބާވަޑައިގަންނަވާށޭ، އެހެން ބަޔަަކަށް ފުރުސަތު ދެއްވާށޭ،" ނާޒިމް ވިދާޅުވިއެވެ.
މީގެ އިތުރުން ރިޔާސީ އިންތިޚާބުގައި ވާދަކުރައްވާ އެކި އެކި ބޭފުޅުންގެ ނަން ވިދާޅުނުވެ، އެ ބޭފުޅުންނަށް އިޝާރާތްކުރައްވަމުން ނާޒިމު ވިދާޅުވީ އިންތިހާބުގައި ވާދަކުރައްވާ ބައެއް ބޭފުޅުންނަކީ "ސީރިއަސްކޮށް" އިންތިހާބަށް ކުރިމަތިލައިގެން އުޅޭ ބޭފުޅުން ނޫން ކަމަށާއި އެ އެބޭފުޅުންގެ ތެރެއިން ބައެއް ބޭފުޅުން ރައްޔިތުންނާ އެއްވެސް ވަރަކަށް ބައްދަލުކުރައްވާފައި ނުވާކަމަށެވެ.
މީގެ އިތުރުން ބައެއް ބޭފުޅުން އަދިވެސް މެނިފެސްޓޯއެއް ރައްޔިތުންނަށް ދައްކާފައި ނުވާތީ އެކަން ފާހަގަކުރައްވަ،މުން ނާޒިމު ވަނީ އެބޭފުޅުންގެ ވެރިކަމެއް ކުރުމަށް ގާބިލްތޯ ސުވާލު އުފައްދަވާފަ އެވެ.
"ރައްޔިތުން ބޭނުންވަނީ އިދްތިސާދީގޮތުން ވަރުގަދަ ބަޔަކަށްވާން. ރައްޔިތުން ބޭނުންވަނީ މިނިވަން ކަމާއި އެކީގައި އެމީހުން އުފަލާއި އެކީ އުޅޭނެ މާހައުލެއް ގާއިމުކުރަން. އެކަމެއް ފަސް އަހަރު ތެރެއަކު ނުދެއްކުނު،" ނާޒިމް ވިދާޅުވިއެވެ.
އިދިކޮޅު ޕީޕީއެމް ޕީއެންސީގެ މެންބަރުގެ ތެރޭގައި ހިންގައިދިޔަ ހަމަނުޖެހުންތަކަށް އިޝާރާތް ކުރައްވަމުން ނާޒިމް ވިދާޅުވީ އެ ހަމަނުޖެހުންތަކަށްފަހު އެ ދެ ޕާޓީގެ ރިޔާސީ ކެންޑިޑޭޓޭއްގެ ގޮތުގައި ނެރުއްވާފައިވާ ޑރ. މުހައްމަދު މުއިއްޒަކީ އެ މަގާމަށް މުޅިން ގާބިލް ބޭފުޅެއް ނޫން ކަމަށާއި އަދި ސިޔާސީ ލީޑަރެއް ދައްކާހާ މީހެއްގެ ކިބައިގައި ލީޑަރެއްގެ ގައިގާ ހުންނަން ޖެހޭނެ ސިފަ ނުހުންނާނެކަމަށެވެ.
"ލީޑަރަކު ދައްކާހާ މީހަކަށް ތިބޭފުޅުން ވޯޓު ލާކަށް ނުޖެހޭ، ...ތިބޭފުޅުން ޖެހޭނީ ތިބޭފުޅުންގެ ހަގީގީ މާނާއިގައި ތިބޭފުޅުންގެ ވިސްނުން ގައުމާ އެކީގައި ތިއްބަވަން. އެހެންގޮތަކަށް ކަންކަން ކުރައްވައިފިއްޔާ މިއީ ތިބޭފުޅުންނަށް ތިކުރެއްވެނީ ގައުމާ ދޭތެރޭގައި ގައްދާރީ" ނާޒިމު ވިދާޅުވި އެވެ.
ކުރީގެ އެއްވެސް ރައީސަކަށް ނުހައްގުން އަނިޔާ ކުރެވިގެން ނުވާނެކަމަށާއި ނާޒިމްގެ ވެރިކަމެއްގައި އެހެން އެކަން ނުވާނެކަމަށް ނާޒިމް ވިދާޅުވިއެވެ. އަދި އެއްވެސް ސިޔާސީ ލީޑަރަކު ބިރުވެކަމެއްގެ ތެރޭގައި ހުންނަންވެސް ނުޖެހޭނެ ކަމަށާއި ބައެއް ކެންޑިޑޭޓުން މިހާރު ކެމްޕޭންގައި ދައްކާ ދަޅައަށް ހެއްލިގެން ނާގާބިލް ބޭފުޅަކަށް ވޯޓު ނުލުމަށް ނާޒިމްވަނީ އިލްތިމާސްކުރައްވާފައެވެ.
ނާޒިމް ނޫނީ ހޮޅި ވާހަކަ ނުދައްކާ ސިޔާސީ ވެރިއެއް ނުފެނޭ. މިނުކުމެ މިއުޅޭ އެންމެންގެ ވައުދުނާމާ ކިޔައިފިން، ނާޒިމްގެ މެނިފެސްޓޯ ނޫނީ ހަމަޖެހޭ ސިޔާސަތުތަކެއް ނެތް
ނާޒިމް ނޫނީ ހޮޅި ވާހަކަ ނުދައްކާ ސިޔާސީ ވެރިއެއް ނުފެނޭ .މިނުކުމެ މިއުޅޭ އެންމެންގެ ވައުދުނާމާ ކިޔައިފިން، ނާޒިމްގެ މެނިފެސްޓޯ ނޫނީ ހަމަޖެހޭ ސިޔާސަތުތަކެއް ނެތް