ޤާސިމްގެ ވެރިކަމެއްގައި ކޮންމެ ފަޤީރަކަށް 3000 ރުފިޔާގެ އެހީއެއް
ޖުމްހޫރީ ޕާޓީ (ޖޭޕީ) ގެ ރިޔާސީ ކެންޑިޑޭޓް ޤާސިމް އިބްރާހީމްގެ ވެރިކަމެއްގައި ފަޤީރުންނަށް މަހަކު ތިންހާސް ރުފިޔާގެ މާލީ އެހީއެއް ދެއްވާނެކަމަށް ވަޢުދުވެވަޑައިގެންފިއެވެ.
ރޭ ކުނޫޒުގައި ބޭއްވި އެމަނިކުފާނުގެ ރިޔާސީ މެނިފެސްޓޯ "ޤާސިމް އަމީން 2023" އިފްތިތާޙްކުރައްވަމުން ޤާސިމް ވިދާޅުވީ ފަޤީރުންގެ ގޮތުގައި ބަލާނެ މިންގަނޑެއް ކަނޑައަޅައި، އެ މިންގަނޑަށް ފެތޭ ކޮންމެ ފަޤީރަކަށް ކޮންމެ މަހަކު 3000 ރުފިޔާގެ މާލީ އެހީއެއް ދެއްވާނެކަމުގައެވެ.
ޤާސިމްގެ މެނިފެސްޓޯގައި ފާހަގަކޮށްލެވޭ ދާއިރާތަކުގެ ތެރެއިން "ދަރަނިން ނެއްޓި ދެމެހެއްޓެނި އިޤްތިޞާދަކަށް" މިދާއިރާގައި ވަނީ ރާއްޖޭގެ މުޅި އިޤްތިޞާދު ހަރުދަނާކޮށް ކުރިއަށް ގެންދެވޭނެ މުހިންމު ކަންތައްތަކެއް ހިމަނުއްވާފައެވެ.
ޤާސިމް ވިދާޅުވެފައިވަނީ އެމަނިކުފާނުގެ ވެރިކަމުގެ ފުރަތަމަ 3 އަހަރުދުވަހުގެ ތެރޭގައި ރާއްޖޭގެ ދައުލަތުގެ ދަރަނި ޖީޑީޕީގެ 120 އިންސައްތައިން 90 އިންސައްތައަށް ތިރިކުރައްވާނެކަމަށެވެ. އަދި މުޅި ދައުލަތުގެ ޚަރަދު ޖީޑީޕީގެ 35 އިންސައްތައިގައި ހިފަހައްޓަވައި، ދައުލަތުގެ ޢާމްދަނީ ޖީޑީޕީގެ 30 އިންސައްތަ އަށް މަތިކުރައްވާނެކަމަށެވެ.
2026 ވަނަ އަހަރަކީ ދިވެހިރާއްޖެއިން ބިލިޔަނެއްހާ އެމެރިކާ ޑޮލަރުގެ ބޭރުގެ ދަރަނި އެއްފަހަރާ ރާއްޖެއިން ދައްކަންޖެހޭ އަހަރެއްކަމަށް ޤާސިމް ފާހަގަކުރައްވާފައިވެއެވެ. މިކަމުގެ ސަބަބުން ދައުލަތަށް ވަރަށް ބޮޑު މާލީ ބުރަކަމެއް ކުރިމަތިވާނެކަމަށް ފާހަކުރައްވަފައިވެއެވެ. އަދި އެކަމުގެ ސަބަބުން ރައްޔިތުންނަށް ފޯރުކޮށްދޭ ޚިދުމަތްތަކަށް ބުރޫ ނާރާނޭހެން ވެރިކަމުގެ ފުރަތަމަ 6 މަސްދުވަހުގެތެރޭގައި ޚާއްސަ އިންތިޒާމުތަކެއް ހަމަޖައްސަވާނެކަމަށް ޤާސިމްވަނީ ވަޢުވެވަޑައިގެންފައެވެ.
މީގެ އިތުރުން ޤައުމުގެ އުފެއްދުންތެރިކަން ހުންނަ މިންވަރު 10 އިންސައްތައަށްވުރެ މަތީގައި ހިފެހެއްޓުމާއި އުފެއްދުންތެރިކަމުގެ ނިސްބަތުން އާބާދީގެ ބޮލަކަށްޖެހޭ މިންވަރު ނުވަތަ ޖީޑީޕީ ޕަރ ކެޕިޓަރ 18000 އިން 27000 އަށް މަތިކުރުމަކީވެސް ޤާސިމްގެ ވަޢުދެކެވެ.
އިތުރަށް ވާހަކަދައްކަވަމުން ޤާސިމް ވިދާޅުވީ ރާއްޖޭގެ އިންފްލޭޝަން ރޭޓު 2 އިންސައްތައަށް ވުރެ ދަށުގައި ޔޫޒަބަލް ރިޒާވް 250 މިލިޔަން ޑޮލަރުން 1 ބިލިޔަން ޑޮލަރަށް މަތިކުރައްވާނެކަމަށެވެ.
ޤާސިމް ވަނީ ރާއްޖޭގައި ހިންގާ ބޮޑެތި އިޤްތިޞާދީ މަޝްރޫޢުތަކަކަށް ހޯދާ ލޯނުތަކުގެ މުއްދަތު ދިގުކުރުމާއެކު އެ ލޯނުތަކަކީ އިންޓްރެސްޓް ކުޑަ ލޯނުތަކަކަށް ހެދުމަށް މަސައްކަތްކުރައްވާނެކަމަށާއި، އެއް އަހަރުދުވަހުގެތެރޭގައި ދައުލަތުގެ ޒަމާނީ ޓެކްނޮލަޖީއާއި އޮޓޮމޭޝަންގެ އެހީގައި ދައުލަތުގެ ޚަރަދުތައް ބަލަހައްޓަން ފަށައި އިސްރާފާއި ކޮރަޕްޝަން ހުއްޓުވާނެ ކަމަށް ވަޢުދުވެވަޑައިގެންފައެވެ.
ޤާސިމް ވަނީ މިހައިތަނަށް ބައެއް ވަޢުދުތައް ކެމްޕެއިން ޖަލްސާތަކުގައި އިޢުލާނު ކުރައްވައިފައެވެ. ޤާސިމް ވިދާޅުވީ އޭނާއަށް ވެރިކަން ލިބިވަޑައިގެންފިނަމަ، ރާއްޖެއިން ބޭރުން ފަރުވާ ހޯދަން ބޭނުންވާ ބަލި މީހާއާއި އޭނާގެ އެހީތެރިޔާގެ ހުރިހައި ޚަރަދެއްވެސް އާސަންދަ އިން ކުރާ ގޮތަށް ހަމަޖައްސައިދޭނެ ކަމަށެވެ. މީގެ އިތުރުން ޤާސިމް ވަނީ ދޮށީ އުމުރުގެ މީހުންނަށް ދައުލަތުން ދެމުން ގެންދާ އިނާޔަތަށް ބަދަލު ގެނެސް މިހާރު ދެމުންދާ އިނާޔަތް ބޮޑު ކުރައްވާނެ ކަމުގެ އިޝާރާތެއް ވެސް ކުރައްވައިފައެވެ.
ގާސިމް މިފަހަރު ރައްޔިތުންނަށް ފައިދާ ކުރަނިވި މެނިފެސްޓޯ އެއް އިއުލާން ކޮށްގެން އުޅެނީ ގާސިމް ކެމްޕެއިން ކުރާ ގޮތް ކަމަކު ނުދަނީއޭ ދަމަކުން ބަޑިއެއް ޖަހާ ގޮތަށޭ ގާސިމް ފެންނަނީ ދެން ވެސް އުމަރު ނަސީރު މެން އުނގުން ވިސްނުން ދޫކޮށްލާ ގާސިމް އާއި ގުޅެންވީއޭ އަދި ކާރނަލް ނާޒިމް ވެސް ގާސިމް އާއި ގުޅެންވީއޭ ދެބުރު އޮންނާނެއޭ ފުރަތަމަ ބުރު އެއްވަނަ އަށް ރައީސް އިބޫދާނެއޭ އެއީ ޔަގީން ކަމެކޭ ދެން ދެވަނަ އަށް ގާސިމް ދެވޭނީ ކޮމަން ކެންޑިޑޭޓެއް ނެރެގެންނޭ އެކަން ކުރަން އިސްނަގަންވީ ކެނެރީގެ ނަޝީދު މިހާރު ވެސް ވަގުތު އެބައޮތޭ މިހަފްތާ ނުނިމެނީސް ޕީޕީއެމް ފިޔަވާ ދެން ތިބި ހުރިހާ ކެންޑިޑޭޓުން އެމެން ތާއީދު ކުރަނީ ގާސިމް އިބްރާހިމް އަށް ކަމަށް ނިންމާ ޝަރުތަކާއި ނުލައި ގާސިމް އާއި ގުޅިގެން ބަލަންވީ ގާސިމް ފުރަތަމަ ބުރުން ދެވަނަ އަށް ދޭތޯ ގާސިމް ދެވަނަ އަށް ފުރަތަމަ ބުރުގައި ގޮސްފިނަމަ ދެން ޕީޕީއެމް ދާނީ ތިންވަނަ އަށޭ އެއިރު މަޖްބޫރު ވާނެއޭ ގާސިމް އާއި ގުޅެން ޕީޕީއެމް އަށް މިހެން ވެއްޖެނަމަ ދެވަނަ ބުރުން ރިޔާސީ އިންތިޚާބު ކާމިޔާބު ކުރެވޭނީ އިދިކޮޅަށް މިހާރު ތިޔާ ދާ ގޮތަށް ގޮސް ވޯޓެއް ލާ ފުރަތަމަ ބުރުގައި ވޯޓް ލައިފިނަމަ އެންމެ ފަހުން ރައީސް އިބޫ މޮޅުވާ ގޮތަށް ކޯލިޝަން އެމްޑީޕީ އާއި އެކު ހަދަން ފުރުސަތު އޮންނާނެއޭ….