ވެރިކަމަށް އަންނަ ގޮތަށް ރައީސް ޞާލިޙްގެ ޕާސްޕޯޓް ހިފަހައްޓާ, މުޅި ދައުރު ބާއްވާނީ ޖަލުގައި: އަދުރޭ

އިދިކޮޅު ޕީޕީއެމް/ޕީއެންސީގެ ވެރިކަމެއްގައި ރައީސް އިބްރާހީމް މުޙައްމަދު ޞާލިޙްގެ ޕާސްޕޯޓް ހިފަހައްޓަވާނެ ކަމަށާއި އެމަނިކުފާނުގެ ބާއްވަވާނީ ޖަލުގައި ކަމަށް ޕީއެންސީގެ ރައީސް އަބްދުއްރަހީމް އަބްދުالله ވިދާޅުވެއްޖެއެވެ.

Ads by Sosun Fihaara

ޕީއެންސީގެ ކެންޑިޑޭޓް ޑރ. މުހައްމަދު މުއިއްޒުގެ ކެމްޕޭނަށް ހޯރަފުއްޓަށް މިއަދު ވަޑައިގެން އެރަށުގެ ރައްޔިތުންނާ ބަދަލު ކުރައްވާ ދެއްކެވި ވާހަކަފުޅުގައި އަދުރޭ ވިދާޅުވީ, މި ރާއްޖޭގައި ވެރިކަން ކުރި އެންމެ އަނިޔާވެރިއަކީ ރައީސް ޞާލިޙް ކަމަށެވެ. އަދި އޭނާ ވެރިކަމުން ބާލަން ގިނަ މަސައްކަތްތަކެއް އެންމެން އެކުގައި ކުރަން ޖެހޭ ކަަމަށް ވިދާޅުވިއެވެ.

"ތި ހުރިހާ ބޭފުޅުން ކަޅުއޮއްފުއްމިއެއްގައި ނިކުމެ ވަޑައިގަންނަވަންވީ, އިބްރާހީމް މުޙައްމަދު ޞާލިޙް ހިފާ ހައްޔަރު ކުރަން. ވެެރިކަން ނިމިގެން ފުރައިގެން ދިޔަ ދީގެން ނުވާނެ. އޭނަ ޤައުމަށް ޣައްދާރުވެފައި ހުރީމަ, ޙައްޤު އަދަބު ދޭން ޖެހޭ. ޚިޔާނާތްތެރިއަކަށްވީ އަދަބު ދޭން އެބަ ޖެހޭ. އަނިޔާވެރިއަކަށްވީ އަދަބު ދޭން އެބަ ޖެހޭ." އަދުރޭ ވިދާޅުވީ, މިއަދު ޕީޕީއެމްގެ ލަޝްކަރު ނިކުމެ އެއޮތީ އަނިޔާވެރިން ހިފާ ހައްޔަރު ކުރަން ކަމަށެވެ.

"ފިލައިގެން ރައްކަލެއް ނުވެވޭނެ, އަޅުގަނޑުމެން އަންނަ ގޮތަށް އައިސް ޕާސްޕޯޓް ހިފަހައްޓާނަން. ސުވާލެއް ނޯންނާނެ"

"އަޅުގަނޑުމެންގެ ދައުރު ނިމެންދެން ރައީސް ޞާލިޙް ހުންނަވަން ޖެހޭނީ ޤާނޫނީ އިމުގެ ތެރެއިން ޖަލުގައި" އަދުރޭ އިތުރަށް ވިދާޅުވިއެވެ.

ޑރ. މުއިއްޒުގެ ކެމްޕޭން ހަރަކާތްތައް ކުރިއަށް ގެންދަވާއިރު އެމަނިކުފާނު އަންނަނީ ހއ. އަދި ހދ. ގެ ރަށްތަކަށް ދަތުރުކުރައްވަމުންނެވެ.