ރިޔާސީ އިންތިހާބުގެ ކެންޕެއިނަށް ރައީސް ޞާލިޙް ހދ. އަތޮޅަށް ފުރާވަޑައިގެންފި 

ރިޔާސީ އިންތިހާބުގެ ކެމްޕޭނަށް ރައީސުލްޖުމްހޫރިއްޔާ އަދި އެމްޑީޕީގެ ރިޔާސީ ކެންޑިޑޭޓް އިބްރާހީމް މުހައްމަދު ސޯލިހު މިއަދު ހދ. އަތޮޅަށް ފުރާވަޑައިގެންފިއެވެ.

Ads by STELCO

މި ތުރުފުޅުގައި ކޯލިޝަންގައި ހިމެނޭ ސިޔާސީ ޕާޓީތަކުގެ ލީޑަރުންނާއި ބައެއް ވަޒީރުން ބައިވެރިވެވަޑައިގަންނަވައެވެ.

އެމްޑީޕީގެ ރިޔާސީ ޕްރައިމަރީ ބޮޑު އަގުލަބިއްޔަތުން ކާމިޔާބު ކުރެއްވި ރައީސް ޞާލިޙް އިންތިހާބަށް ކުރިމަތިލައްވަނީ ކޯލިޝަނަކާއެކުއެވެ. އެ ކޯލިޝަންގައި ހިމެނެނީ އެމްޑީޕީ، އަދާލަތު ޕާޓީގެ އިތުރުން އެމްޑީއޭއެވެ.

ރައީސް ސޯލިހު ވިދާޅުވާ ގޮތުންނަމަ މި ފަހަރުގެ އިންތިހާބު ދެވަނަ ބުރަކަށް ނުގޮސް ފުރަތަމަ ބުރުން ކާމިޔުބުކުރެވޭނެ ކަމުގެ ޔަގީންކަން އެބައޮތެވެ.

އިންތިހާބަށް ކުޑަތަން ވެފައިވާއިރު ރައީސް ޞާލިޙްގެ އިތުރުން އެހެން ކެންޑިޑޭޓުން ވެސް ދަނީ ފޯރީގައި ކެންޕެއިން ކުރައްވަމުންނެވެ.