Tuesday, 17 November 2026
Advertisement
Ooredoo — Article-Top (leaderboard)
ސިޔާސީ

ޤާސިމްގެ ރަނިންމޭޓު އަމީން ހިމެނޭހެން ޖޭޕީގެ ބައެއް ބޭފުޅުންގެ ތާއީދު ރައީސް ޞާލިޙަށް

ޤާސިމްގެ ރަނިންމޭޓު އަމީން ހިމެނޭހެން ޖޭޕީގެ ބައެއް ބޭފުޅުންގެ ތާއީދު ރައީސް ޞާލިޙަށް
ސެޕްޓެމްބަރު 9 ވަނަ ދުވަހު ބޭއްވި ރިޔާސީ އިންތިޚާބުގެ ފުރަތަމަ ބުރުގައި ވާދަކުރެއްވި ޖުމްހޫރީ ޕާޓީ (ޖޭޕީ)ގެ ރިޔާސީ ކެންޑިޑޭޓު އަދި ޖޭޕީގެ ލީޑަރު ޤާސިމް އިބްރާހީމްގެ ރަނިން މޭޓް އަމީން އިބްރާހީމާއި ޖޭޕީގެ އިސް ބައެއް ބޭފުޅުން މިރޭ އެމްޑީޕީއާ ގުޅިވަޑައިގެންފިއެވެ. ރިޔާސީ އިންތިޚާބުގެ ދެވަނަ ބުރުގެ ކެމްޕޭނަށް މާލޭގައި މިވަގުތު ކުރިއަށް ގެންދާ "ސޯސަން ޖަގަހަ" ޖަލްސާގައި ޖޭޕީގެ ކެމްޕޭންތަކުގައި އިސްކޮށް އުޅުއްވި ބައެއް ބޭފުޅުން ބައިވެރިވެވަޑައިގެންފައިވާއިރު އެ ބޭފުޅުންގެ ތެރޭގައި އަމީން އިބްރާހިމްގެ އިތުރުން ކުރީގެ ހެލްތު މިނިސްޓަރު އަބްދުﷲ އަމީން ވެސް ހިމެނިވަޑައިގަންނަވައެވެ. ހަމައެއާއެކު، މިދިޔަ ބުރާސްފަތި ދުވަހު ޤާސިމުގެ ސްޕެޝަލް އެންވޯއި އިލްހާމް އަޙުމަދު ވެސް ވަނީ ރައީސް ޞާލިޙުއަށް ތާއީދުކުރައްވަން ނިންމަވާފައެވެ. އަދި ޖޭޕީގެ އެޑްވައިޒަރުގެ މަޤާމުގައި ހުންނެވި ކުރީގެ ޓޫރިޒަމް މިނިސްޓަރު ޢަލީ ވަހީދު ވަނީ ޖޭޕީން ވަކިވެވަޑައިގެންފައެވެ. އިންތިޚާބުގެ ދެވަނަ ބުރުގައި އެއްވެސް ކެންޑިޑޭޓަކަށް ތާއީދުނުކުރަން ޖޭޕީ އިން ނިންމި ނަމަވެސް އެ ޕާޓީގެ އާންމު މެމްބަރުންނަށް ބޭނުން ކެންޑިޑޭޓަކަށް ތާއީދުކުރުމުގެ ހައްގު އޮންނާނެ ކަމަށް، ޕާޓީގެ ލީޑަރު ޤާސިމް އިބްރާހީމް ވަނީ ވިދާޅުވެފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.