Sunday, 22 November 2026
Advertisement
STO — McCoy (leaderboard)
ސަރުކާރު

ދޮގުވާހަކަތަކުން މުޖުތަމައު ކިލަނބު ނުކުރަން ރައީސް އިލްތިމާސް ކުރައްވައިފި

ދޮގުވާހަކަތަކުން މުޖުތަމައު ކިލަނބު ނުކުރަން ރައީސް އިލްތިމާސް ކުރައްވައިފި
ދޮގުވާހަކަތަކުން މުޖުތަމައު ކިލަނބު ނުކުރަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިލްތިމާސް ކުރައްވައިފިއެވެ. ރައީސް މިއަދު ފޮނުއްވެވި ރޯދަމަހުގެ ހިތޯބުގައި ވިދާޅުވީ ދިވެހީންގެ ތާރީޚަށް ބަލާލިކަމުގައި ވީނަމަވެސް، ބަރަކާތްތެރި ރަމަޟާން މަހަކީ ދިވެހިން އެކަކު އަނެކަކަށް އެހީވުމުގެ ލާމަސީލު ނަމޫނާ ދައްކައިދީފައިވާ މައްސަރެއްކަމަށެވެ. އަދި ރޯދަމަހަށް ތައްޔާރުވުމުގައި ގޭގެ ފަންގިލައި މާރާމާތުކޮށް، ރަށުތެރެ ސާފުކުރުމާއި، މައިޒާންތައް ހެދުންފަދަ މަސައްކައްތައް ކުރަނީ އެންމެން ގުޅިގެންކަމަށް ރައީސް ވިދާޅުވިއެވެ. އަދި މި މަސައްކަތް ކުރެވިގެން ދަނީ އެންމެންގެ ފަސޭހަޔައްކަމަށް ވެސް ރައީސް ވިދާޅުވިއެވެ. ރޯދަ ވީއްލާން މިސްކިތްތަކަށް ތަކެތި ތައްޔާރުކޮށްގެން ގެންދިޔުމާއި ރޯދަވީއްލާ ގަޑިއަށާއި ހާރުދަމަށް ތައްޔާރުކުރެވޭ ކާ ތަކެތި އެއްގެއިން އަނެއްގެޔަށް ގެންގޮސް ދިނުމާއި މި ފަދަ ރީތި އިޖުތިމާއީ ސިފަތައް އާންމުކޮށް ދިވެހީންގެ މާޒީން ފެންނަކަމަށްވެސް ރައީސް ވިދާޅުވިއެވެ.
"މި ފަދަ ރީތި އިޖުތިމާއީ ސިފަތައް އާންމުކޮށް ދިވެހީންގެ މާޒީން ފެނެވެ. އިސްލާމްދީން މުސްލިމުންނަށް ދަސްކޮށްދެނީ މި ފަދަ މާތް ރީތި އަޚްލާޤު"
ރައީސް ވިދާޅުވީ އިސްލާމީ އުންމަތަކީ އެއް ހަށިގަނޑެއް ފަދަ ބަދަހި އުންމަތެއްކަމަށެވެ. އަދި މި ބަރަކާތްތެރި މައްސަރުގައި މި މުޅި އުންމަތަށް ހެޔޮދުޢާ ކުރަން ރައީސްގެ ހިތޯބުގައި ވަނީ އިލތިމާސްކުރައްވާފައިއެވެ. ވަކީން ހާއްސަކޮށް، މި ރަމަޟާންމަސް އަޅުގަނޑުމެންނާ ބައްދަލުކުރާއިރު، ފަލަސްޠީނުގެ ބިމުގައި ހަނގުރާމައާ، ބިރުވެރިކަމާ، ހައިހޫނުކަމުގައި، ގެދޮރާއި އާއިލާގެއްލި ބިކަވުމުގެ ޙާލަތު ކުރިމަތިވެފައިވާ މުސްލިމް ތުއްތުކުދީންނާ، އުޚްތުންނާ، އަޚުންގެ މަތީން ހުރިހާ ދިވެހީން އަބަދުމެ ހަނދުމަކުރުމުގެ މުހިންމުކަން ރައީސް ވަނީ ފާހަގަކުރައްވާފައިއެވެ. މުސްލިމުންގެ މުޤައްދަސް އެއް މިސްކިތްކަމުގައިވާ އަލްމަސްޖިދުލް އަޤްޞާ ހުރި ބަރަކާތްތެރި ވަޠަނުގައި، އިސްލާމްދީނާ މިނިވަންކަމުގެ ޙައްޤުގައި ފަލަސްތީނުގެ އަހުލުވެރީން ކުރަމުންދާ ޖިހާދަށް ނަސްރުދެއްވައި، އަނިޔާވެރީންގެ ކެހިވެރިކަމުން މިންޖުކުރައްވަން އެދި ވެސް ރައީސް ޑރ. މުއިއްޒު ވަނީ ދުއާ ކުރައްވާފައިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.