ކޮވިޑް-19: އަލްޙަމްދުލިﷲ. އިތުރު 116 މީހުން ބަލިން ފަސޭހަ ވެއްޖެ!
ރާއްޖެއިން ކޮވިޑް-19 އަށް ފައްސީ މީހުންގެ ތެރެއިން އިތުރު 116 މީހަކު މިބަލިން ފަސޭހަ ވެއްޖެއެވެ.
ރާއްޖެއިން ކޮވިޑް ބަލި ޖެހުނު މީހުންގެ ތެރެއިން ބަލިން މިހާތަނަށް ޖުމްލަ 6،052 މީހަކު ވަނީ މިބަލިން ފަސޭހަ ވެފައެވެ. އަދި 29 މީހަކު މިބަލީގައި ރާއްޖެއިން ނިޔާވެފައިވެއެވެ.
ހެލްތު އެމަޖެންސީ އޮޕަރޭޝަންސް ސެންޓަރ (އެޗްއީއޯސީ) އިން މިހާރު ކުރިއަށް ގެންދާ ނޫސްކޮންފަރެންސްގައި ބުނެފައިވަނީ، އިއްޔެގެ އިރުއޮއްސި 18:00 މިއަދުގެ އިރުއޮއްސި 18:00 އަށް ރާއްޖެއިން ކޮވިޑަށް ފައްސިވެފައިވަނީ 83 މީހުން ކަމަށާއި އޭގެ ތެރޭގައި 61 ދިވެހިން ހިމެނޭއިރު 22 ބިދޭސީން ވެސް ހިމެނޭ ކަމަަށެވެ.
މިރޭގެ ސާވަލެންސް އަބްޑޭޓް ކިޔާދެއްވަމުން ޑރ. އިބްރާހިމް އަފްސަލް ވިދާޅުވީ މިހާރު ރާއްޖޭގައި މިބައްޔަށް ފައްސިވީ މީހުންގެ އަދަދު ވަނީ 8،667 އަށް އަރާފައި ކަމަށެވެ.
މިއަދު ފައްސިވީ 83 މީހުންގެ ތެރޭގައި ހިމެނެނީ 61 ދިވެހީންނާއި، 20 ބަންގްލަދޭޝް ރައްޔިތުންގެ އިތުރުން އިންޑިއާ މީހަކާއި ނޭޕާލް މީހެއް ކަމަށެވެ.
ރާއްޖެއިން ކޮވިޑް ބަލި ޖެހުނު މީހުންގެ ތެރެއިން ބަލިން މިހާތަނަށް ޖުމްލަ 6،052 މީހަކު ވަނީ މިބަލިން ފަސޭހަ ވެފައެވެ. އަދި 29 މީހަކު މިބަލީގައި ރާއްޖެއިން ނިޔާވެފައިވެއެވެ.
މިއަދު ފައްސިވީ 83 މީހުންގެ ތެރެއިން އެކަކު ފިޔަވާ ދެންތިބި މީހުން ފައްސިވެފައިވަނީ ގްރޭޓަރ މާލެ ސަރަޙައްދުންނެވެ.
މިވަގުތު އައިސޮލޭޝަން ފެސިލިޓީތަކުގައި 1،118 މީހުން ބައްޔަށް ފަރުވާ ހޯދަމުން ދާއިރު 142 މީހަކު ހޮސްޕިޓަލުތަކުގައި ފަރުވާ ހޯދަމުން އެބަދެއެވެ.
ކޮވިޑް ބަލި ރާއްޖޭގައި ފެތުރުން މަދުވާން ފަށާނެ ކަމަށް އެޗްޕީއޭއިން އަންދާޒާ ކޮށްފައިވަނީ މިމަހުގެ ފަހުކޮޅުގައެވެ.
