ކޮވިޑް19: އެކްޓަރ އަދިތުޔާ ސީލްގެ ބައްޕަ މަރުވެއްޖެ
ސްޓްޑަންޓް އޮފް ދަ އިޔަރ-2 އިން މަގުބޫލްކަން ހޯދި އެކްޓަރ އަދިތުޔާ ސީލްގެ ބައްޕަ އަދި ޕްރޮޑިއުސަރ ރަވީ ސީލް ކޮވިޑް ޖެހިގެން މަރު ވެއްޖެއެވެ.
އިންޑިއާގެ މީޑިއާތަކުން ރިޕޯޓް ކޮށްފައިވާ ގޮތުގައި ރަވީ ސީލް މަރުވީ ކޮވިޑް ޖެހިގެން ހޮސްޕިޓަލްގައި ފަރުވާ ހޯދަމުންދާ ދުވަސްކޮޅެއް ފަހުންނެވެ. އޭނާ މަރުވީ މިދިޔަ ހުކުރު ދުވަހުއެވެ.
ރަވީ ސީލްއަކީ ބޮލީވުޑްގައި އެންމެ ފިޔަޖެހި ތަރިއަކަށް ނުވި ނަމަވެސް އޭނާ ވަނީ ފިލްމް ޕްރޮޑިއުސްކުރުމުގެ ކުރިން އިތުރުން އެކްޓް ވެސް ކޮށްފައެވެ. ބައްޕަގެ މަރާ ގުޅިގެން އަދިތުޔާ މިވަގުތު ހުރީ ފިލްމީ މަސައްކަތާ ދުރަށް ޖެހިފައެވެ.
މޮޑެލިން ދާއިރާގައި ވެސް މަސައްކަތް ކުރާ އަދިތުޔާ ސީލް ބޮލީވުޑަށް ތައާރަފްވީ ފިލްމު ، އޭކް ޗޯޓީސީ ލަވް ސްޓޯރީ އިންނެވެ. އޭގެ ފަހުން އޭނާ ވަނީ ތުމްބިން-2 . ނަމަސްތޭ އިންގުލެންޑް އަދި ފިތުރަތު ފަދަ ފިލްމުތަކުގައި މަސައްކަތް ކޮށްފައެވެ. އަދިތުޔާގެ ކުރިއަށް އޮތް ފިލްމަކީ އިންދޫކީ ޖަވާނީއެވެ.
