ޝާހްރުކް އަކީ ވަރަށް ކައްކާ ހިތްވާ މީހެއް، ގޭގައި ކައްކަނީ އޭނަ: ގޯރީ ޚާން
ކޮވިޑް-19 ފެތުރުމާއި ގުޅިގެން ފުރަބަންދު ކުރުމުން ހުރިހާ އެކްޓަރުންނަށް ވެސް އެމީހުންގެ ޢާއިލާއާއެކު ވަގުތު ހޭދަކުރަން ވަނީ ފުރުސަތު ލިބިފައެވެ. އާއްމުގޮތެއްގައި އެތަރިންނަކީ ޝޫޓިންގ ތަކަކާއި، ޕްރޮމޯޝަންތަކުގެ ސަބަބުން ޢާއިލާއާއެކު ގިނަ ވަގުތު ހޭދަ ކުރެވޭ ބައެއް ނޫނެވެ.
ބޮލީވުޑް ގެ މަޝްހޫރު އެކްޓަރ މަޝްހޫރު އެކްޓަރ ޝާހްރުކް ޚާން ވެސް މިވަނީ މިފުރުސަތުގެ ބޭނުން ވަރަށް ރަނގަޅަށް ހިފާފައެވެ. ފުރަބަންދުގައި ޝާހްރުކް އެންމެ ގިނައިން ކުރި އެއްކަންތަކާއި، ޝާހްރުކްގެ ކިބައިގައި ހުރި އިތުރު ހުނަރެއްގެ ވާހަކަ އޭނާގެ އަންހެނުން ގޯރީ ޚާން ވަނީ އިންޑިއާގެ މީޑިއާއަކާއި ހިއްސާ ކޮށްފައެވެ.
ގޯރީ ބުނީ އެންމެން އެއްކޮށް ގޭގައި ތިބޭތީ އެދެމަފިރިންގެ ދަރިންވެސް ތިބީ ވަރަށް އުފަލުން ކަމަށެވެ. އެންމެ ދޮށީ ކުއްޖާ، އާރްޔަން ޚާން، ގެ ކިޔެވުން މިހާރު ނިމިފައިވުމުން އޭނާ މިދުވަސްކޮޅު އަރާމު ކުރަނީ ކަމަށާއި، އަންހެން ދަރިފުޅު ސުހާނާ އާއި ހަގު ދަރިފުޅު އަބްރަހަމް ގެ އޮންލައިން ކްލާސްތައް ހުރި ނަމަވެސް، ގޭގައި އެންމެންނާއި އެކު ތިބެވޭތީ އެކުދިން ވެސް އުފާކުރާ ކަމަށް ގޯރީ ބުންޏެވެ.
މީގެއިތުރުން ގޯރީ ބުނީ ކޮވިޑް ފެތުރުމުން ކުރިމަތިވީ އެންމެ ބޮޑު ބިރަކީ ކާއެއްޗެހި ހޯދާނެ ގޮތަކާއިމެދު ކަމަށެވެ. ނަމަވެސް އެކަން ވެސް މިހާރު ހައްލުވެފައިވާ ކަމަށެވެ.
"ގޭގައި ގެންގުޅޭ ކައްކާ އޭނަގެ އާއިލާ ކައިރިއަށް ފޮނުވާލީ މިދުވަސްކޮޅުގެ ގޮތުން. ކޮވިޑް އެވަރަށް ފެތުރިފައިވާތީ ބޭރުން ކާއެއްޗެހި ގެނެސްގެން ކާން ބިރުގަތް. އެހެންވެ ޝާހްރުކް ބުނީ އޭނައޭ ކައްކާނީ. ޝާހްރުކް އަކީ ވަރަށް ކައްކާ ހިތްވާ، މީރުކޮށް ކާއެއްޗެހި ކައްކާ މީހެއް. ގޭގައި މިހާރު ކައްކަނީ އޭނަ. އަހަންނަކީ ކާހިތްވާ މީހެއް" ގޯރީ ބުންޏެވެ.
Ads by STO
