ހިމާންޝީ ކުރާނާ ވެސް ކޮވިޑް19 އަށް ފައްސި ވެއްޖެ
އިންޑިއާގެ މަޝްހޫރު އެކްޓްރެސް ،މޮޑެލް އަދި ލަވަ ކިޔުންތެރިޔާ ހިމާންޝީ ކުރާނާ ވެސް ކޮވިޑް19 އަށް ފައްސި ވެއްޖެއެވެ.
ހިމާންޝީ ކުރާނާ ވަނީ މިކަން އޭނާގެ ފޭނުންނަށް މީސްމީޑިއާގައި ހިއްސާ ކޮށްފައެވެ. އޭނާ ބުނެފައި ވަނީ ދަނޑުވެރިންގެ ޙައްގުގައި މިހާރު އިންޑިއާގެ އެކި ކަންކޮޅުތަކުގައި ކުރަމުންދާ މުޒާހަރާގެ ތެރެއިން މުޒާހަރާއެއްގައި އޭނާ ވެސް ބައިވެރިވެފައި ވާ ކަމަށާއި އަދި ޝޫޓިންއަށް ދިޔުމުގެ ކުރިން ކޮވިޑް19 ޖެހިފައިވޭތޯ ބެލުމަށް ބޭނުންވި ކަމަށެވެ. ރައްކާތެރިކަންމަތީ އެ މުޒާހަރާގައި ބައިވެރިވި ނަމަވެސް އޭނާ ކޮވިޑަށް ފައްސިވެފައިވާކަން ހާމަ ކުރަމުން ހިމާންޝީ ކްރާނާ ބުނެފައި ވަނީ އޭނާއާ އެއްތާވި މީހުން ވެސް ޓެސްޓް ކުރުމަށް އެދޭ ކަމަށެވެ.
އިންޑިއާގެ މަޝްހޫރު ޓީވީ ޝޯ ބިގްބޮސްގެ 13 ވަނަ ސީޒަންގައި ވެސް ބައިވެރިވި ހިމާންޝީ ވަނީ އެ މުޒާހަރާއާ ގުޅޭ ގޮތުން ވެސް ވާހަކަ ދައްކާފައެވެ. އެގޮތުން އެ މުޒާހަރާގައި އޭނާ ބައިވެރިވީ މަޝްހޫރުކަން ހޯދަން ނޫން ކަމަށާއި އަދި އެ މުޒާހަރާގައި ބައިވެރިވުމަކީ އޭނާގެ ކެރިއަރަށް ވެސް އެންމެ ރަނގަޅު ގޮތް ނޫން ކަމަށް ހިމާންޝީ ބުނެފައިވެއެވެ. ނަމަވެސް ދަނޑުވެރީންގެ ހައްގުގައި މުޒާހަރާގައި ބައިވެރިވާން ބޭނުންވީ ކަމަށް އޭނާ ހާމަ ކުރިއެވެ.
