ފާހިޝް އަމަލުތައް ހުއްޓުވުމަށް ސަރުކާރުން ފަސްޖެހިގެން ނުވާނެ: ޝިފާޢު

ފާހިޝް އަމަލުތައް ހުއްޓުވުމަށް ސަރުކާރުން ފަސްޖެހިގެން ނުވާނެކަމަށް ރައްޔިތުން މަޖިލީހުގެ އިހަވަންދޫ ދާއިރާގެ މެންބަރު މުޙައްމަދު ޝިފާޢު ވިދާޅުވެއްޖެއެވެ.

ޝިފާޢު މިއަދު ވިދާޅުވީ ދިވެހިންްގެ ދީނަކީ އިސްލާމްދީން ކަމުގައި ޤާނޫނުއަސާސީގައި ބުނެފައިވާ ކަމަށެވެ. އަދި މި ފަސްގަނޑުގައި ހުއްދަވާނީ އިސްލާމްދީނުގަ ހުއްދަ ކަންކަން ކަމަށާއި, އިސްލާމްދީނުގައި ހަރާމްކަމަކީ މި ފަސްގަނޑުގައި ހަރާމްކަމެއް ކަމަށް ޝިފާއު ވިދާޅުވިއެވެ.

''އިސްލާމްދީނުގަ ހުއްދަކަމަކީ ދިވެހި ފަސްގަނޑުގައި ހުއްދަކަމެއް. އިސްލާމްދީނުގައި ހަރާމްކަމަކީ ދިވެހި ފަސްގަނޑުގައި ހަރާމްކަމެއް. މުންކަރާތްތަކާ ފާހިޝް އަމަލުތައް ހުއްޓުވުމަށް ސަރުކާރާއި ފުލުހުން ފަސްޖެހިގެން ނުވާނެ.'' ޝިފާއު ވިދާޅުވިއެވެ.

ޝިފާއު މިހެން ވިދާޅުވެފައި މިވަނީ, ރާއްޖޭގައި އެއް ޖިންސުން ގުޅުން ހިންގާ މަންޒަރު ފެންނަ ވީޑިއޯތަކެއް ޢާންމުވެފައިވާއިރު އެކަމާ ގުޅިގެން ނަމަވެސް އެކަމާ ގުޅިގެން ފިޔަވަޅެއް އަޅާފައިވާނުވާތީ ޢާންމުން ކަންބޮޑުވުން ފާޅުކުރަމުންދާ ދަނޑިވަޅެއްގައެވެ.