ކޮވިޑް-19: ރާއްޖޭގައި ވެކްސިން އެންމެ ފުރަތަމަ ޖަހަނީ ސިއްޙީ ޚިދުމަތްތެރިންނަށް
ކޮވިޑް:19 އިން ރައްކާތެރިވުމަށް ދިވެހި ރާއްޖެއިން އެންމެ ފުރަތަމަ ޖަހާނީ ސިއްޙީ ޚިދުމަތްތެރިންނަށް ކަމަށް އެޗްޕީއޭ އިިން ބުނެފިއެވެ.
ހެލްތު އެމަޖެންސީ އޮޕަރޭޝަންސް ސެންޓަރ (އެޗްއީއޯސީ) ގެ ފަރާތުން މިހާރު ކުރިއަށް ގެންދާ ނޫސްވެރިންގެ ބައްދަލުވުމުގައި މައުލޫމާތު ދެއްވަމުން ޑރ. ނަޒްލާ މުސްތަފާ ވިދާޅުވީ ކޮވިޑް-19 އިން ރައްކާތެރިވުމަށް ޖަހާ ވެކްސިންދޭ މީހުންގެ ތެރެއިން ފުަރަތަމަ ކެޓަގަރީގައި ހިމެނެނީ ފްރަންޓްލައިން ހެލްތު ކެއާރ ވޯކާރސް އާއި ސޯޝަލް ކެއާރ ވޯކާރސް ކަމަށެވެ.
"މިމީހުންނަކީ އެމީހުންގެ ޚިދުމަތުގެ ގޮތުން ނޫނީ މަސައްކަތުގެ ގޮތުން ހައިރިސްކު މީހުންނަށް ޚިދުމަތް ދޭ މީހުން. ނުވަތަ މިބައްޔަށް ސީދާ ނުވަތަ ނުސީދާ ގޮތުން ވެސް ހުށަހެޅި ދާނެ މީހުން." ޑރ. ނަޒްލާ މުސްތަފާ ވިދާޅުވިއެވެ.
ޑރ. ނަޒްލާ މުސްތަފާ ވިދާޅުވީ އެއީ ޑޮކްޓަރުންނާއި، ނަރުހުންނާއި، ލެބް ޓެކްނީޝަނުންގެ އިތުރުން ހޮސްޕިޓަލު ތަންތަން ސާފުކުރާ މީހުންނާއި ހޮސްޕިޓަލު އެޓެންޑަންޓުން ކަމަށެވެ. އަދި އާރްއާރްޓީ ގައި މަސައްކަތްކުރާ ބޭފުޅުންނާއި ވެކްސިން ދޭން މަސައްކަތް ކުރާ މީހުންނާއި ކަށުކަމާކެމީގެ މަސައްކަތުގައި އުޅޭ މީހުން ވެސް ހިމެނޭކަން ޑރ. ނަޒްލާ މުސްތަފާ ފާހަގަ ކުރައްވާފައިވެއެވެ.
ޑރ. ނަޒްލާ މުސްތަފާ ވިދާޅުވީ މީގެ އިތުރުން ދެން ވެކްސިން ދެނީ އުމުރުން ދުވަސްވީ މީހުންނާއި، ނުކުޅެދޭ މީހުންނަށާއި ކުޑަކުދިންގެ ސެންޓަރުތަކުގައި މަސައްކަތް ކުރާ މީހުންނަށް ކަމަށެވެ.
"އަޅުގަނޑުމެން ބަލަނީ މިއީ އަޅުގަނޑުމެންގެ އާބާދީގެ 3 އިންސައްތަ ކަމަށް. މީގެ އިތުރުން ދެން އަޅުގަނޑުމެން ބަލާފައިވާނީ ބަލި ޖެހިއްޖެނަމަ އެމީހުންނަށް ބޮޑުވަރު ވެދާނެފަދަ މީހުން. މިގޮތުން އަޅުގަނޑުމެން އެލޮކޭޓް ކޮށްފައިވާނީ އުމުރުން 50 އަހަރު ވެފައިވާ މީހުންނާއި 50 އަހަރުން މަތީގެ ހުރިހާ ބޭފުޅުން" ޑރ. ނަޒްލާ މުސްތަފާ ވިދާޅުވިއެވެ.
ކޮވެކްސް އިން ރާއްޖޭގެ އާބާދީގެ 20% އަށް ވެކްސިން ލިބޭނެކަން ފާހަގަ ކުރައްވަމުން ޑރ. ނަޒްލާ މުސްތަފާ ވިދާޅުވީ ކޮވެކްސުން ލިބޭ ވެކްސިން އަމާޒު ކޮށްފައި ވަނީ އުމުރުން 50 އަހަރާއި 50 އަހަރުން މަތީގެ ހުރިހާ ވެކްސިން ދިނުމަށް ކަމަށެވެ.
ކޮވިޑް-19 އިން ރައްކާތެރިވުމަށް ޖަހާ ވެކްސިން ޖެހުމުގައި އެންމެ ބޮޑު އަހައްމިއްޔަތުކަމެއް ދީފައިވާ މީހުންގެ ލިސްޓުގައި ދެން ހިމެނެނީ ކެންސަރު ޖެހިފައިވާ (ބައްޔަށް ބޭސްކުރަމުން އަންނަ) ބޭފުޅުންނާއި ހަކުރު ބައްޔާއި ބަރުދަން އިތުރުވެފައިވާ މީހުންނެވެ. އަދި ކިޑްނީ އަށް ޖެހިފައިވާ ބަލިތަކަށް ބޭސް ކުރަމުންދާ މީހުންނާއި ތެލެސީމިއާ މޭޖަރ މީހުން ވެސް ހިމެނެއެވެ.
މީގެއިތުރުން ޒަރޫރީ ހިދުމަތްތައް ފޯރުކޮށްދިނުމަށް ފްރަންޓްލައިންގައި މަސައްކަތްކުރާ މީހުން ވެސް ކުރިން ވެކްސިން ދިނުމަށް ހަމަޖެހިފައިވެއެވެ. އޭގެ ތެރޭގައި ޓީޗަރުންނާއި ފުލުހުންނާއި ސިފައިންގެ އިތުރުން ފަތުރުވެރިކަމުގެ ދާއިރާގައި ފްރަންޓްލައިންގައި މަސައްކަތް ކުރާ މީހުންނާއި ޕަބްލިކް ޓްރާންސްޕޯޓުގެ ޚިދުމަތްދޭ މީހުން ވެސް ހިމެނެއެވެ.
ކޮބާ ކައުންސިލްތަކުގައި މިކަމުގެ މަސައްކަތް ކުރައްވާ ބޭފުޅުން. ކޮންމެ ކަމެއްގަވެސް އެއީިީިީިީ ބ ާކީ ބަޔަކީތަ؟ “ސަރުކާރު”؟