އަދީބާއި ޒިޔަތަކީ ފާސިޤުން ކަމަށާއި އެމީހުންގެ ހެކިބަސް ބަލައި ނުގަނެވޭނެ ކަމަށް ބުނެފި
ކުރީގެ ނައިބު ރައީސް އަހުމަދު އަދީބާއި، މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް (އެމްއެމްޕީއާރްސީ)ގެ ކުރީގެ މެނޭޖިންގ ޑިރެކްޓާރ އަބްދުﷲ ޒިޔަތަކީ ފާސިޤުން ކަމުގައި ބެލެވޭއިރު، އެ ދެމީހުންގެ ހެކިބަސް ބަލައިގަނެވޭނެ އެއްވެސް ސަބަބެއް ދައުލަތަށް ދެއްކިފައި ނުވާކަމަށާއި އެހެންކަމުން ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމާ ދެކޮޅަށް އެ ދެމީހުންގެ ހެކިބަސް ބަލައި ނުގަނެވޭނެކަމަށް ފަނޑިޔާރު ހުސައިން ޝަހީދު ވިދާޅުވެއްޖެއެވެ.
ރައީސް ޔާމީންގެ އިސްތިއުނާފު މައްސަލައިގެ ހުކުމް އިއްވާ މަޖިލީހުގައި ހިމެނިވަޑައިގަންނަވާ ފަނޑިޔާރު ޝަހީދު ވިދާޅުވީ، އަޙުމަދު ޢަދީބާއި ޢަބްދުﷲ ޒިޔަތަކީ އެމްއެމްޕީއާރުސީގެ ޚިޔާނާތުގައި ހިމެނޭ ބައިވެރިންކަމަށް ވީ ހިނދު، ޤާނޫނީ އަދި ޝަރުޢީގޮތުން ބެލިކަމުގައި ވިޔަސް އެމީހުންގެ ހެކި ބަހަކީ ޝަރީޢަތަށް ބަލައިގަނެވޭނެ ހެކިބަހެއް ނޫން ކަމަށާއި، ނަމަވެސް އެމީހުންގެ ހެކިބަހަށް ބުރަދަން ދީފައިވާ ގޮތް ދަށު ކޯޓުގެ ޙުކުމަށް ބެލުމުން އެނގެން އޮންނަ ކަމަށެވެ.
ކުރީގެ ރައީސް ޔާމީންގް ފަރާތުން ހުށަހެޅި އިސްތިއުނާފީ ނުކުތާތަކުގެ ތެރޭގައި އެންމެ ބޮޑަށް ފާހަގަ ކޮށްފައިވަނީ ކުރީގެ ނައިބު ރައީސް އަދީބު އާއި ޒިޔަތުގެ ހެކިބަސް ޝަރީޢަތަށް ބަލައިގަތް ގޮތުންނެވެ.
ރައީސް ޔާމީންގެ މައްޗަށް ކްރިމިނަލް ކޯޓުން އިއްވި ފަސް އަހަރާއި ހަ މަސް ދުވަހުގެ ޖަލު ހުކުމް ހައިކޯޓުން ވަނީ ދަމަހައްޓާފައެވެ.
ނަމަވެސް ރައީސް ޔާމީންގެ ފަރާތުން އިއްވި އިސްތިއުނާފީ ނުކުތާއާ ގުޅޭގޮތުން ފަނޑިޔާރު މުޙައްމަދު ނިޔާޒުގެ ރަޢުޔު އިއްވަމުން ވިދާޅުވީ އަޙުމަދު އަދީބާއި، ޢަބްދުﷲ ޒިޔަތުގެ ހެކިބަސް ޝަރީޢަތަށް ބަލައި ނުގަނެވޭނީ އެ ދެމީހުންގެ ހެކިބަހަށް އެކަނި ބުރަދަން ދީގެން، ޙުކުމަށް ވާސިލްވި ކަމުގައިވާނަމަ ކަމަށާއި، ދަށު ކޯޓުގެ ހުކުމަށް ވާސިލްވެފައި ވަނީ، އެދެމީހުންގެ ހެކިބަހާއި ކޮރޯބޮރޭޓް ވާ އެހެން ޝަފަހީ އަދި ކިތާބީ ހެކިތަކަށް ބުރަދަން ދިނުމަށް ފަހު ކަމަށެވެ.
މުއްލާ ވަގުން މިތިބެނި ހެކިބަސްދޭން ބައިތިއްބާފަ އަޅެ ފަހެ މިއީ ސަދޫމަށްވުރެ ނުބައި ޝަރްޢީނިޒާމެއް އޮތްތަނެއް އެކަމު މިސަރުކާރު އައީ އިންސާފު ޤާއިމްކުރަންށާ ރައްޔިތުންނަށް ހެޔޮވެރިކަމެއްކޮށްދޭން އެކަމުދަވްލަތް ބޮޑުތަނުން ދަވާލި ބޮޑަތި މުއްލާ ވަގުން އެތިބީ މަތިގޭގަ ބައިތިއްބާފަ މާދީންވެރިކަމަށް ދީނީ ޕާޓީމީހުން މިއަދު އެތިބީ ފައިސާއަށްވިޖި ހުސްވެފަ ޖަލުން ވަގުންތައްނެރި ހިމާޔަތްދޭން އެތިބީ ދީނީ ލީޑަރުން މީ މިޤަވްމުގެ ޙާލަތު ހުރިހިސާބު