“ޑުޕަ ފިފްޓީން” މަޅި ފުޓްސަލް ޗެލެންޖު: ޑީސީ އެވެންޖާސް އާއި އެންއެސް ރޯމާގެ ކުރިމަތިލުން އެއްވަރުވެ ދެޓީމުވެސް ދެވަނަ ބުރަށް
މަޅި މޯލްޑިވްސް އިން އިންތިޒާމު ކޮށްގެން ބާއްވާ ޑުޕަ ފިފްޓީން މަޅި ފުޓްސަލް ޗެލެންޖުގައި މިއަދު ވާދަކުރި، ޑީސީ އެވެންޖާސް އާއި އެންއެސް ރޯމާ ބައްދަލު ކުރި މެޗު 3-3 ކުން އެއްވަރުވެ، ގުރޫޕު ބީ އިން މި ދެޓީމު ވެސް ދެވަނަ ބުރަށް ދަތުރު ކޮށްފިއެވެ.
މި މެޗުގައި ޑީސީ އެވެންޖާސްއަށް ލަނޑުތައް ޖަހައިދިނީ މުހައްމަދު ވިސާމް އާއި މުބާހު ސައީދުގެ އިތުރުން އަހުމަދު ޝަމީމް އެވެ. އަދި އެންއެސް ރޯމާ ޓީމަށް ލަނޑުތައް ޖަހައިދިނީ އަބްދުﷲ ޒިހުނީ އާއި ސަފްވާން ރަމްޒީ އަދި ސިނާން އިބްރާހިމް ރަޝީދެވެ.
މިއަދު ކުޅެވުނު މި ވާދަވެރި މެޗުގެ މޮޅު ކުޅުންތެރިއެއްގެ ގޮތުގައި ހޮވިފައިވަނީ ޑީސީ އެވެންޖާސްގެ މުހައްމަަދު ވިޝާމް އެވެ.
މި މުބާރާތުގެ މެއިން ސްޕޮންސަރަކީ ބިގްމޭން ގެ "ޑުޕްރ ފިފްޓީން" އެވެ. ކޯ ސްޕޮންސަރަކީ އެސޯސިއޭޝަން ފޯ ޔޫތް އެމްޕަވަރމެންޓް އޮފް ގެމަނަފުށިއެވެ. މީގެއިތުރުން ވަން ކްލިކް މޯލްޑިވްސްއިން ހޯލްސޭލްކުރާ ލެމާރ ޖޫސްޕެކެޓާއި، ހުޅުމާލޭ ޑްރައިވަރސް އެސޯސިއޭޝަންނަކީ ވެސް ކޯ ސްޕޮންސަރުންނެވެ. ބެވެރޭޖް ޕާޓްނަރަކީ ރެޑްބުލްއެވެ.
ބޯލް ޕާޓްނަރަކީ މާކުއީ އެވެ. ސައުންޑް ޕާޓްނަރަކީ އޮފިޝަލް އިވެންޓްސް އެވެ. އަދި ޕްރިންޓިންގ ޕާޓްނަރަކީ ކުލަ މޯލްޑިވްސް އެވެ. މުބާރާތުގެ މީޑިއާ ޕާޓްނަރުންނަކީ، ދެން، ވަގުތު، ފަހުމިނެޓް އަދި މޯލްޑިވްސް ފުޓްސަަލް ޕްލޭޔާރސްއެވެ. އެހެނިހެން ސްޕޮންސަރުންނަކީ އަފޫ ޕެއިންޓްސް، މެރިލައިން މޯލްޑިވްސް، ޓޮޕް ތްރީ މޯލްޑިވްސްގެ އިތުރުން ޓްރިޕަލް އޭ އެޗް އެވެ.
މުބާރާތުގެ ޗެމްޕިއަން ޓީމަށް 25000 ރުފިޔާ ހަމަޖައްސާފައިވާއިރު ރަނަރަޕް ޓީމަށް 8000 ރުފިޔާ ވަނީ ކަނޑައަޅައިފަ އެވެ. މުބާރާތުގެ ޗެމްޕިއަން ޓީމަށް 15000 ރުފިޔާގެ އަގުހުރި ތައްޓެއް ދޭން ހަމަޖެހިފައިވާކަމަށް މަޅި އެމްވީން މައުލޫމާތުދެއެވެ.
މިއީ ކޮވިޑް-19 ގެ ބަލިމަޑުކަމުގެ ތެރެއިން މާލެއިން މި ބަލި ފެނުނު ފަހުން މި ސަރަހައްދުގައި ބާއްވާ އެންމެ ވަރުގަދަ އެއް ފުޓްސަލް މުބާރާތެވެ.
