ޑޮކްޓަރުން އޮޅުވާލާނެ ކަމަށް ގަބޫލު ކުރާނީ މޮޔައިން: ޝެއިހް ޒައިދު
ހުރިހާ ޑޮކްޓަރުން ވެގެން އޮޅުވާލާނެ ކަމަށް ގަބޫލު ކުރާނީ މޮޔައިން ކަމަށް ޝެއިހް އަލީ ޒައިދު ވިދާޅުވެއްޖެއެވެ.
ޝެއިހް ޒައިދު މިހެން ވިދާޅުވެފައިވަނީ މިއަދު ކުރެއްވި ޓްވީޓެއްގައެވެ. ޒައިދު ވިދާޅުވީ ހުރިހާ ޑޮކްޓަރުން ވެގެން އޮޅުވާލާނެ ކަމަށް ގަބޫލު ކުރާނީ މޮޔައިން ކަމަށާއި ޕީއެންސީއަށް ނިސްބަތްވާ ބައެއް ބޭފުޅުން ވެކްސިންއޭ ކިޔައިގެން ދައްކަވާ ވާހަކަ ހަމަ އެއްގޮތަކަށް ވެސް ދެކޮޅު ނުޖެހޭ ކަމަށެވެ.
“ޕީޕީއެމް-ޕީއެންސީ އަށް ނިސްބަތްވާ ބައެއް ބޭފުޅުން ވެކްސިން އޭ ކިޔައިގެން މިދައްކަވާ ވާހަކަ ހަމަ އެއްގޮތަކަށް ވެސް ދެކޮޅު ނުޖެހޭ! ހުރިހާ ޑޮކްޓަރުން ވެގެން ރައްޔިތުންނަށް އޮޅުވާލާނެ ކަމަށް ގަބޫލު ކުރާނީ މޮޔައެއް! މުޖުތަމަޢު ތެރޭގައި ބިރުވެރިކަން ނުއުފައްދަވާ ތިއްބެވުން އެބޭފުޅުންގެ ފަތަށް ވެސް ލުއިވާނެ” ޒައިދު ވިދާޅުވިއެވެ.
ރާއްޖޭގައި ކޮވިޑް-19 ވެކްސިން ޕްރޮގްރާމް ފައްޓަވައި ދެއްވަން ރައީސް އިބްރާހިމް މުހައްމަދު ސޯލިހް އަދި ސަރުކާރުގެ އިސް ވެރިން ޖެއްސެވީ ފައިޒާ ވެކްސިން ކަމަށް ގިނަ ފަރާތްތަކުން ދަނީ ބުނަމުންނެވެ. އަދި ވެކްސިންގެ ފޮޓޯއާއެކު މީސްމީޑިއާގައި ތަފާތު ވާހަކަތައް ދަނީ ފަތުރަމުންނެވެ.
މިކަމާ ގުޅިގެން ޝައިޚް ޢަލީ ޒައިދު މީގެ ކުރިން ވިދާޅުވެފައި ވަނީ ސިޔާސީ ސަބަބު ތަކަކަށްޓަކައި ވެކްސިންއާ މެދު ދޮގު މަޢުލޫމާތު ފެތުރުމަކީ ވަރަށް ދަށުދަރަޖައިގެ އަމަލެއް ކަމަށާއި މިކަމުން ސިޔާސީ މަންފާ ނަގަން އުޅޭ މީހުންނާ މެދު ރައްޔިތުން ސަމާލު ވާން ޖެހޭ ކަމަށެވެ.
ދީނީ އިލްމުވެރިން ކަމަށް ވިދާޅުވާ ބޭފުޅުން ދީނުގެ ނަމުގައި ސިޔާސީ ބޭނުމަށްޓަކައި އޮޅުވާލާއިރު ޑަކްޓަރުން އޮޅުވާނުލާނީ ކީއްވެތޯ؟