މި ވީޑިއޯއިން އަހަރެމެންނަށް ދަސްކޮށްދެނީ ހިތްވަރާއެކު މަސައްކަތް ކޮށްފިނަމަ ކޮންމެ ކަމެއް ވެސް ކާމިޔާބު ވާނެކަން!
ގުދުރަތީ ހިތްގައިމު އަދި އާދަޔާ ޚިލާފު މަންޒަރުތައް ދެކިލުމަށް ކެތް މަދުވެފައި ތިބި މީހުން މަދެއް ނޫނެވެ. އެގޮތުން މިފަހަރު މިއޮތީ އެފަދަ އާދަޔާ ޚިލާފު މަންޒަރެއް ގިނަ ބަޔަކަށް ދެކިލުމުގެ ފުރުސަތު ލިބިގެން ގޮސްފައެވެ.
މިއީ ރޯމަހެއް ފެނުން މައްޗަށް އަރައި، ދިރިދިރިހުރި ވެނެއް އަނގަތެރެއަށް ލާ މަންޒަރު ފެންނަ ވީޑިއޯއެއްގެ ސްކްރީން ޝޮޓެކެވެ. މީގައި އާދަޔާ ޚިލާފުކަމެއް ހިނގާފައި ވަނީ ކޮން ސަބަބަކަށް ޓަކައި ކަން އެނގެން ބޭނުންވޭ ހެއްޔެވެ؟ މަސް އެ ވެން އަނގަތެރެއަށް އެއްކޮށް ލުމުން ވެސް ވެނުގެ ހިތްމަތާއި މިންނެތް މަސައްކަތުން އަނބުރާ ނުކުންނަނީއެވެ. ވެނުގެ ބިޔަ ކަމާއި މަހުގެ ކުޑަކަމުން މަހަށް އެ ވެން އެއްކޮށް ދިރުވާލުމަށް ފަހު މަތަ ނުކުރެވެނީއެވެ.
މިކަމުން އަޅުގަނޑުމެން ޢިބުރަތް ހާސިލުކޮށް ﷲގެ ކުޅަދުންވަންތަކަން ލޮލުދެކިލުމުގެ ފުރުސަތު ލިބިގެން ދެއެވެ. އެ މަސް ދިރުވާލައިފައި އެވާ ވެން ނިކުތުމަށް މަސައްކަތް ކޮށް ތެޅިނުގަތް ނަމަ އެ ވެން އޮންނާނީ އެމަހުގެ ބަނޑުތެރޭގައެވެ. އަދި މަރުވެދާނީ ވެސް ހަމަ އެ މަހުގެ ބަނޑުތެރޭގައެވެ. ދަންނަވަން މިއުޅެނީ، ކިތަންމެ ބޮޑު އަނދަވަޅުގަނޑަކަށް ތިމާ ވެއްޓުނު ނަމަވެސް އެ އަނދަވަޅުގަނޑުން އަރައިގަތުމަށް މަސައްކަތް ނުކުރާނަމަ އެއްވެސް ކާމިޔާބީއެއް އެމީހާއަކަށް ނުލިބޭނެ ކަމެވެ. އެމީހާގެ މުޅި ޙަޔާތް ނިމިގެން ދާނީ އެ އަނދަވަޅުގަނޑުގައި ހިތާމަކުރަމުން ދާ ޙާލެވެ.
ދިރިއުޅުމުގައި ދަތިތަކާ ކުރިމަތިލާން ޖެހޭނެކަން ގަބޫލުކޮށް، އެފަދަ ކަންކަމާ ކުރިމަތިލާން ކެރި މަސައްކަތް، އެކަމުން މިންޖުވުމަށް ހިތްވަރާއެކު މަސައްކަތް ކުރުމަށް ޢަޒުމް ކަނޑައަޅާށެވެ. އެހެނީ ކާމިޔާބީއަކީ މަސައްކަތްތެރިންގެ ހައްގެކެވެ.
ޢެއީވެނެކޭ ލިއުނީމަ ގޯސް