ވެކްސިންގެ ފުރަތަމަ ޑޯޒް ޖަހައިގެން ރާއްޖެ އަންނަ ފަރާތްތަކަށް ދެވަނަ ޑޯޒް ޖަހައިދެނީ
ކޮވިޑް-19 އިން ދިފާޢުވުމަށް ވެކްސިންގެ ފުރަތަމަ ޑޯޒް ޖަހައިގެން ރާއްޖެއިން ބޭރުން އަންނަ ފަރާތްތަކަށް، ދެވަނަ ޑޯޒް ރާއްޖެއިން ޖަހައިދިނުމުގެ އިންތިޒާމު ހަމަޖައްސައިދޭން ނިންމައިފިއެވެ.
ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ)އިން ވިދާޅުވީ އެ އިންތިޒާމް ހަމަޖެހިގެން ދާނެ ކަމަށާއި އެކަމަށް އެދި ރަސްމީކޮށް ހުށަހަޅަން ޖެހޭނެ ކަމަށެވެ.
"ރާއްޖެއިން ބޭރުން ކޮވިޝީލްޑް، ސިނޮފާރމް އަދި ފައިޒަރ ވެކްސިންގެ ފުރަތަމަ ޑޯޒް ޖަހާފައިވާ،
ފަރާތްތަކަށް ދެވަނަ ޑޯޒް ރާއްޖޭގައި ޖެހުމުގެ އިންތިޒާމު ހަމަޖައްސައިދެވޭނެ." އެޗްއީއޯސީން އާންމު ކުރައްވައިފައިވެއެވެ.
މި ފަރާތްތަކުން ވެކްސިން ޖެހިކަމުގެ ލިޔުން އަދި އައި.ޑީ ކާޑު ނުވަތަ ޕާސްޕޯޓު ކޮޕީ [email protected] އަށް އީމެއިލް ކޮށްދެއްވުމަށާއި އެ އީމެއިލްގައި ނަން، އައި.ޑީ ކާޑު ނުވަތަ ޕާސްޕޯޓު ނަންބަރު، ގުޅޭނެ ނަންބަރު، ވެކްސިންގެ ބާވަތް އަދި ވެކްސިން ޖެހި ތާރީޚް ވެސް ހިމެނުމަށް އެޗްއީއޯސީން އެދިލައްވައިފައިވެއެވެ.
ރާއްޖެއިން މިހާތަނަށް 251،139 މީހުން ކޮވިޑުން ރައްކާތެރިވާން ވެކްސިން ޖަހައިފައި ވެއެވެ.
