ރަށްރަށުން އައިޑީ ކާޑުތައް ހެދެން ޖެހޭނެ: އިލްޔާސް ލަބީބު
ރާއްޖޭގެ ރަށްރަށުން އައިޑީ ކާޑުތައް ހެދެން ޖެހޭނެ ކަމަށް ރައްޔިތުންގެ މަޖިލީހުގެ ހުޅުދޫ ދާއިރާގެ މެންބަރު އިލްޔާސް ލަބީބު ވިދާޅުވެއްޖެއެވެ.
ރައްޔިތުންގެ މަޖިލީހުގެ ތިންވަނަ ދައުރުގެ ފުރަތަމަ ޖަލްސާގައި މިއަދު ވާހަކަ ދައްކަވަމުން އިލްޔާސް ވިދާޅުވީ އަޑީކާޑާއި އަދިވެސް (ދައުލަތުން) ބޭނުންވާ އެހެން ކާޑުތައް ކައުންސިލްތަކުން ހެދެން ޖެހޭނެ ކަމަށެވެ.
ރަށްރަށުގައި އައިޑީ ކާޑު ހެދުމަށް މިހާރު ކަންކުރާ އުސޫލަކީ، އެ ރަށަކުން އެމީހަކާ ބެހޭ މައުލޫމާތު އެއްކުރުމަށްފަހު ޑިޕާޓްމެންޓް އޮފް ނެޝަނަލް ރެޖިސްޓްރޭޝަނަށް ފޮނުވުމެވެ. އެއަށް ފަހު އެ ޑިޕާޓްމެންޓުން އައިޑީ ކާޑްތައް ހެދުމަށް ފަހު އެ ރަށަކަށް ފޮނުވަނީއެވެ. އެއަށް ފަހު ކާޑު ހައްދަން ހުށަހެޅި މީހާ ކައުންސިލަށް ގޮސް އައިޑީ ކާޑު ލިބިގަންނަނީއެވެ.
މިހެން އައިޑީކާޑު ހަދަން ޖެހުމުން ބައެއް ފަހަރު ލަސްތަކެއް ދިމާވާ ކަމުގެ ޝަކުވާ ރައްޔިތުން ކުރެއެވެ.
މިކަމާ ގުޅޭގޮތުން އިލްޔާސް ވިދާޅުވީ ލާމަރުކަޒީ ނިޒާމެއްގައި އޮންނަން ޖެހޭ ގޮތަކީ އެއީ ނޫން ކަމަށާއި އެމީހެއްގެ އައިޑީކާޑު އެ ކައުންސިލަކުން ނިންމެން ޖެހޭނެ ކަމަށެވެ. އަދި ކޮވިޑް ތެރޭގައި ވެސް އޮންލައިންކޮށް މަސައްކަތް ކުރެވޭކަން މިގައުމު ވެސް ތަޖްރިބާ ކޮށްފައިވާ ކަމަށާއި، އެހެން ކަމުން މިޒަމާނުގައި އެކަން އެގޮތަށް ކުރެވެން ވާނެ ކަމަށް އޭނާ ވިދާޅުވިއެވެ.
އިލްޔާސް ތި ދެއްކީ ވަރަށްބޮޑު ތެދުފުޅެއް! ކައުންސިލުން މީހާގެ މަޢުލޫމާތުތައް ނޭޝަނަލްރަޖިސްޓްރޭޝަނަށް ފޮނުވުމުން 5 މަސް ހަމަސްވެސް ވޭ ކާޑް ކާޑް ވެރި ފަރާތަށް ލިބުމަށް
އިލްޔާސް ނިންމުން ވަރަށް ރަނގަޅު
ތިކަން ކުރަން މިހާރު މާލަސްވެއްޖެ