މިގައުމުގައި ޑިމޮކްރަސީ އޮތް ނަމަ ރައީސް ޞާލިހްގެ މައްޗަށް ޖިނާއީ ތަޙްޤީޤް ހިންގަން މަޖުބޫރު: ޑރ. ޖަމީލް
ރާއްޖެއަކީ ޑިމޮކްރަސީ އޮތް ގައުމެއް ނަމަ ރައީސް އިބްރާހިމް މުހައްމަދު ޞާލިހްގެ މައްޗަށް ޖިނާއީ ތަޙްޤީޤް ހިންގަން މަޖުބޫރުކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
ޑރ. ޖަމީލް މިއަދު ކުރެއްވި ޓްވީޓެއްގައި ވިދާޅުވީ ޤާނޫނުގެ އަތްއޮތީ ކަނޑައިލާ ގަތުލްކޮށްފައި ކަމަށާއި އިންސާފު އޮތީ ކަފުންކޮށްފައި ކަމަށެވެ.
"މިސަރުކާރުން ޒީރޯ ޓޮލެރެންސޭ ވިދާޅުވީ އެމްއެމްއެމްޕީއާރުސީގެ ޖަރީމާގައި ދެބޯގެރި ދުއްވަންކަން ޔަޤީންވެއްޖެ. ޑިމޮކްރެސީ އޮތް ޤައުމެއް ނަމަ ރައީސް ޞާލިހްގެ މައްޗަށް ޖިނާއީ ތަޙްޤީޤް ހިންގަން މަޖުބޫރު. ޤާނޫނުގެ އަތްއޮތީ ކަނޑައިލާ ގަތުލްކޮށްފައި. އިންސާފު އޮތީ ކަފުންކޮށްފައި." ޑރ. ޖަމީލްގެ ޓްވީޓްގައި ވިދާޅުވިއެވެ.
އެމްއެމްޕީއާރްސީގެ ހިޔާނާތުގެ ފައިސާގެ ތެރެއިން 35 މިލިޔަން ރުފިޔާ ރައީސް އިބްރާހީމް މުހައްމަދު ސޯލިހަށް ލިބުނު ކަމަށް ކުރީގެ ޓޫރިޒަމް މިނިސްޓަރު އަލީ ވަހީދު ވިދާޅުވުމާ ގުޅިގެން ދައުލަތުގެ ކަމާ ގުޅުންހުރި އިދާރާތަކުން އެ މައްސަލަ ބެލުމަށް ގޮވައިލައި ރައްޔިތުންގެ މަޖިލީހަށް އިދިކޮޅުން މިއަދު ހުށަހެޅި ކުއްލި މައްސަލަ ވަނީ ބަލައިނުގަނެ ބޭރުކޮށްލައިފައެވެ.
މަޖިލީހުގެ މިއަދުގެ ޖަލްސާއަށް މި މައްސަލަ ހުށަހެޅުއްވީ އިދިކޮޅު ޕީއެންސީގެ ޕީޖީ ލީޑަރު މަޑުއްވަރީ ދާއިރާގެ މެންބަރު އާދަމް ޝަރީފެވެ
ފުރަތަމަ ހިންގަންޖެހެނީ ޑރ ޖަމީލާއި އިމްރާނުގެ ތަހްޤީޤް
މިގަވްމުގަ ޑިމޮކުރެސީ އޮތްނަމަ ކޮންމެސަރުކާރަކާއެކު ބޮޑިބަތް އެބުރުމުގެ ފުރުސަތު ޖަމީލަކައް ނުލިބޭނެ