ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާ ބެހޭ ބިލު ރައީސް ތަސްދީޤުކުރައްވައިފި
ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާ ބެހޭ ޤާނޫނަށް 3 ވަނަ އިޞްލާޙު ގެނައުމުގެ ބިލު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު ތަސްދީޤުކުރައްވައިފިއެވެ.
މި ބިލަކީ، 2021 ނޮވެންބަރު މަހުގެ 16 ވީ އަންގާރަ ދުވަހު ބޭއްވި ރައްޔިތުންގެ މަޖިލީހުގެ މި އަހަރުގެ ތިންވަނަ ދައުރުގެ 39 ވަނަ ޖަލްސާގައި ފާސްކުރެއްވި ބިލެކެވެ.
މި ބިލުގައި އިޞްލާހު ހުށަހަޅައިފައި ވަނީ ކައުންސިލުތަކުން މި ޤާނޫނާ ގުޅުން ހުރި ބައެއް ޚިދުމަތް ފޯރުކޮށްދިނުމާ ގުޅޭގޮތުންނެވެ. މި ގެނައި އިޞްލާޙުގެ ދަށުން މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީން ފޯރުކޮށްދޭން ޖެހޭ ޚިދުމަތްތަކުގެ ތެރެއިން، މިނިސްޓްރީން ކަނޑައަޅާ ޚިދުމަތްތައް، އަތޮޅު ފެންވަރުގައި ނުވަތަ ރަށު ފެންވަރުގައި ނުވަތަ ސިޓީ ފެންވަރުގައި ފޯރުކޮށްދޭނީ، މި ޤާނޫނުގެ ދަށުން ހަދާ ޤަވާއިދުގައިވާ ގޮތުގެމަތިން، އެ އަތޮޅެއް ނުވަތަ އެ ރަށެއް ނުވަތަ ސިޓީއެއް ނިސްބަތްވާ ކައުންސިލަކުންނެވެ.
މި މާއްދާގެ (ހ)ގެ ދަށުން އަތޮޅު ފެންވަރުގައި ނުވަތަ ރަށު ފެންވަރުގައި ނުވަތަ ސިޓީ ފެންވަރުގައި ފޯރުކޮށްދިނުމަށް މިނިސްޓްރީން ކަނޑައަޅާ ޚިދުމަތްތަކާއި އެ ޚިދުމަތްތައް ފޯރުކޮށްދިނުމާ ގުޅޭ އުޞޫލުތައް، މި ޤާނޫނުގެ ދަށުން ހަދާ ޤަވާއިދުގައި ބަޔާންކުރުމަށް ކަނޑައަޅުއްވައިފައިވެއެވެ.
ހަމަ އެއާއެކު މި މާއްދާގެ (ހ) ގައި ބަޔާންކުރާ ޚިދުމަތްތަކާ ގުޅިގެން މިނިސްޓްރީއާ ކަމާ ގުޅޭ އިދާރާތަކުން ކައުންސިލުތަކަށް ބޭނުންވާ ފައިސާއާއި ވަޞީލަތްތަކާއި އެހީތެރިކަން ކައުންސިލުތަކަށް ފޯރުކޮށްދޭންވާނެ ކަމަށާއި، ކައުންސިލުތަކަށް ފައިސާއާއި ވަޞީލަތްތަކާއި އެހީތެރިކަން ފޯރުކޮށްދޭނެ ގޮތް މި މާއްދާގެ (ށ) ގައިވާ ޤަވާއިދުގައި ބަޔާންކުރުމަށް ވެސް މި ޤާނޫނުގައި ކަނޑައަޅުއްވައިފައިވެއެވެ. މީގެ އިތުރުން ވެސް މި އިޞްލާޙުގެ ސަބަބުން އައި ބަދަލުތައް މި ޤާނޫނުގައި ތަފްޞީލުކޮށް ބަޔާންކޮށްފައިވެއެވެ.
މި ޤާނޫނަށް ގެނައި އިޞްލާޙުތަކާ ގުޅިގެން އެކުލަވައިލާން ޖެހޭ ޤަވާއިދުތަކާއި އިޞްލާޙުކުރަން ޖެހޭ ޤަވާއިދުތައް، މި ޤާނޫނަށް ޢަމަލުކުރަން ފަށާ ތާރީޚުން ފެށިގެން 6 މަސްދުވަހުގެ ތެރޭގައި ހަދައި، ދިވެހިސަރުކާރުގެ ގެޒެޓުގައި ޝާއިޢުކުރަންވާނެކަމަށް ވެސް މި ޤާނޫނުގައި ބަޔާންކޮށްފައިވެއެވެ.
ރައީސުލްޖުމްހޫރިއްޔާ މި ބިލު ތަސްދީޤުކުރެއްވުމާ ގުޅިގެން މި ބިލު މިއަދު ވަނީ ދިވެހި ސަރުކާރުގެ ގެޒެޓުގައި ޝާއިޢުކުރައްވައިފައެވެ. އަދި މިއަދުން ފެށިގެން މި ޤާނޫނަށް ޢަމަލުކުރަން ފެށޭނެއެވެ.
ރާއްޖޭގެެ ކުނިއުކުންް ސަރުކާރުންް ކޮއްދެއްވާކަމަކަމެއްގެެ ގޮތުގައިި ހައްދަވާދެއްވަންފެނޭޭ އަދިި ކުނިއުކަންބޭނުންވާމީހުންް ކުނިތައްް ގެންދިއުމުންް އެކުނިތައްް ބަލައިގަނެެ ފަސޭހައިންް ކުނިއުކުމުގެެ ކަންކަންް އޮންނަންފެނޭޭ ކުނިނަގާމީހުންް ހިތުހުރިދުވަހަކުު ހިތުހުރިގެއަކުންް ކުނިނަގަނީް އޭގެބަދަލުު ގޭގެއިންް ކުނިނަގާންދާތަންތަނުންް އަގެއްނަގާފަަ ކައިރިކައިރީގައިި ކުނިބަހައްޓާނެެ ތަންތަންހުރެއްޖެއްޔާާ މާފަސޭހަކަމާއިއެކުު ރަށުތެރެެ ސާފުކޮއްބޭއްވޭނެެ