މެމްބަރު ފަލާހު ހަމަލާދޭން ގޮވައިލެއްވި މައްސަލަ ފުލުހަށް ހުށަހަޅައިފި
ރާއްޖެއިން އިންޑިއާ ސިފައިން ބޭލުމަށް ގޮވައިލައި، އިދިކޮޅު ފަރާތްތަކުން ކުރިއަށް ގެންދާ "އިންޑިއާ އައުޓް" ކެމްޕޭނާ އެކީ ނުކުންނަ މީހުންގެ ކަންފަތް މަތީގައި ޖަހަން ޖެހޭ ކަމަށް ރައްޔިތުންގެ މަޖިލީހުގެ މާފަންނު ހުޅަނގު ދާއިރާގެ މަޖިލިސް މެންބަރު މުޙައްމަދު ފަލާޙް ވިދާޅުވެ ދެއްކެވި ވާހަތަކާ ގުޅިގެން އެމައްސަލަ ބަލައި ދިނުމަށް އިދިކޮޅު ޕްރޮގްރެސިވް ކޯލިޝަނުން ފުލުހުންނަށް ހުށަހަޅައިފިއެވެ.
އިދިކޮޅުން ބުނީ އެއީ އެއްގޮތަކަށް ވެސް ކުރެވިގެންވާނެ ކަމެއް ނޫން ކަމަށެވެ. އަދި އެފަދަ ވާހަކަތައް ދެއްކުމުގެ ސަބަބުން ރާއްޖޭގައި ހިތާމަވެރި އެތައް ހާދިސާއެއް ހިނގާފައިކަމަށް އިދިކޮޅުން ބުނެއެވެ.
އެމްޑީޕީން ސަލްޓަން ޕާކުގައި ބޭއްވި ބައްދަލުވުމެއްގައި ވާހަކަ ދައްކަވަމުން އެމްޕީ ފަލާހް ވިދާޅުވީ އިންޑިއާ އައުޓެކޭ ނުގޮވޭނެ ކަމަށާއި އެހެން ގޮވާ ކަމަށް ވާނަމަ، އެމީހެއްގެ ކަންފަތް މަތީގައި ޖަހަން ޖެހޭ ކަމަށެވެ. އެ ނޫން ގޮތަކަށް އެކަން ނުހުއްޓުވޭނެކަމަށް ވެސް ފަލާހް ވިދާޅުވިއެވެ.
އެ ބައްދަލުވުމުގައި އިތުރަށް ވާހަކަދައްކަވަމުން ފަލާހް ވިދާޅުވީ އެފަދަ ކެމްޕެއިނަކީ ތަހުޒީބު ގައުމެއްގައި ހިންގާނެ ކެމްޕެއިނެއް ނޫން ކަމަށެވެ. އަދި ކުރީގެ ރައީސް އަދި އިދިކޮޅު ލީޑަރު އަބްދުﷲ ޔާމީން އަބްދުލްގައްޔޫމަކީ ތަހުޒީބު ބޭފުޅެއް ނޫން ކަމަށް ވެސް ފަލާހް ވިދާޅުވިއެވެ.
ރަނގަޅު
މާކުންބެ އަކަށް އެއްކަމެއްވެސް ނުވާނެ. އެއީ ދައްކާ ދަޅައެއް.