ޑިފެންސް މިނިސްޓަރަކީ ކަސްޓަމްސްގެ ވެސް ވަޒީރުކަމަށް ރައީސް ޞާލިޙް ވަނީ ކަނޑައަޅުއްވައިފައި: މާރިޔާ
ޑިފެންސް މިނިސްޓަރަކީ ކަސްޓަމްސްގެ ވެސް ވަޒީރު ކަމަށް ރައީސް ޞާލިޙް ކަނޑައަޅުއްވައިފައިވާ ކަމަށް ޑިފެންސް މިނިސްޓަރު މާރިޔާ އަޙްމަދު ދީދީ ވިދާޅުވެއްޖެއެވެ.
މާރިޔާ މިފަދައިން ވިދާޅުވީ ޤައުމީ ކަންކަމުގައި އަންހެން ކަނބަލުންނަށް ސިޔާސީ ދާއިރާގައި ވެސް ކުރިޔަށްދެވޭނެކަން އެ ކަމަނާ ސާބިތު ކޮށްދެއްވައިފި ކަމަށް އެމްޑީޕީގެ ކުރީގެ ޗެއާޕާސަން މޫސާ މަނިކު ވިދާޅުވުމާ ގުޅިގެންނެވެ.
މާރިޔާގެ ހިންގުންތެރިކަމަށް ތައުރީފް ކުރައްވާ މޫސަ މިއަދު ވިދާޅުވީ 2012ވަނަ އަހަރުގެ ފެބްރުއަރީ މަހުގެ 7ވަނަ ދުވަހާއި، 8ވަނަ ދުވަހު ހިނގައިދިޔަ ހަމަނުޖެހުމުގައި ބާޣީން ތަޅައި އަނިޔާކުރި މާރިޔާ މިއަދު އެ ހުރީ ސިފައިންގެ ވަޒީރަށް ވެފައި ކަަމަށެވެ. މީގެ އިތުރުން މޫސަ ވިދާޅުވީ އެ ދުވަހު ވެސް މާރިޔާ ފަހަތުން ދުވި މީހުން މިއަދު ފެންނަކީ ބިސްގޯނި ހިފައިގެން ދުވާ މަންޒަރުކަމަށެވެ.
މިކަމާ ގުޅިގެން މާރިޔާ ވިދާޅުވީ “ޑިފެންސް މިނިސްޓަރަކީ މޯލްޑިވްސް ކަސްޓަމްސް ސާވިސްގެ ވަޒީރު ކަމަށް ރައީސުލްޖުމްހޫރިއްޔާ ވަނީ ކަނޑައަޅުއްވައިފައި” ކަމަށެވެ.
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދުގެ އެދިވަޑައިގަތުމަށް އިންޑިއާ އައުޓް ކެމްޕެއިނުން ގައުމަށް ލިބޭނެ ގެއްލުންތައް ބެލުމަށް މަޖިލީހުގެ ސަލާމަތީ ހިދުމަތްތަކާ ބެހޭ (241) ކޮމިޓީން ކުރާ ދިރާސާއާ ގުޅިގެން އެމްއެންޑީއެފްގެ އިސްވެރިން ހާޒިރުކޮށްގެން އިއްޔެ ބޭއްވި ކޮމިޓީ ބައްދަލުވުމުގައި ވާހަކަފުޅުދައްކަވަމުން މާރިޔާ ވިދާޅުވީ ރާއްޖެ އެތެރެކުރާ ކޮންމެ ތިން ކުކުޅު ބިހަކުން ދެ ބިހަކީ އިންޑިއާއިން އެތެރެކުރާ ބިސް ކަމަށާއި، އެހެންކަމުން އިންޑިއާ އައުޓް ކިޔުން ރަނގަޅު ނޫންކަމަށެވެ. މި ވާހަކަތަކާ ގުޅިގެން އިދިކޮޅުގެ ފާޑުކިޔުން މާރިޔާއަށް ވަނީ ވަރަށް ބޮޑަށް އަމާޒުވެފައެވެ.
އެހެްނަވުމަކީ ހައިރާްން ވާންޖެހޭ ކަމެއް ނޫނެވެ. ކަމަނާއަށް ކުރިން ލިބި ވަޑައިގެންނެވި އެވޯޑަކީވެސް ދީނަށް ފުރައްސާރަ ކުރާ ތަސްލީމާ ނަސަްރީނު އާއި ސަލްމާނު ރުޝްދީއަށް ލިބުނު އެވޯޑް. ޜޢީސް ސޯލިހަކީ ދީނީ ކަންކަމަށް ފުރައްސާރަ ކުރާ،މީހުނަށް މަތީ މަޤާމު ދެއްވާ ބޭކަލެއް ވިއްޔާ
ހާދަ ފައިސާ ފަތަފޮޅިއެއްގެ ދެފަޅިއަށް ތި އަޅަނީ….އަހަރެމެން ބޭނުން މިކަހަލަ ގަމާރި ވެރިން ރާއްޖޭން ބޭރުކުރަން…