އަރްޝަދު މަސައްކަތަކަށް އެދި އާދޭސްކުރަނީ، އަމީތާބާ މެދު ޝަކުވާތަކެއް!
މުންނާ ބާއީއާއި ޖޯއީ އެލްއެލްބީ ފަދަ ފިލްމުތަކުގައި މޮޅު އެކްޓެއް ދައްކައި މަގުބޫލްކަން ހޯދި ހުނަރުވެރި ފިލްމީ ތަރި އަރްޝަދު ވަރްސީއަށް ފިލްމެއް ނުލިބި ، އޭނާގެ ހިތުގައި އޮތް ނުތަނަވަސްކަން ބޭރުކޮށްލައިފިއެވެ.
އަރުޝަދު ބުނެފައި ވަނީ އޭނާގެ މޮޅު ވާހަކަ އެންމެން ވެސް ދައްކާ ކަމަށާއި ނަމަވެސް އެއްވެސް މީހަކު އޭނާއަށް މަސައްކަތެއް ދޭން ބޭނުން ނުވާ ކަމަށެވެ.
"އެއްވެސް މީހަކު އަހަންނަކަށް ފިލްމެއް ނުދިން ، އަހަރެން ހިތަށް އަރާ އެންމެން ވެސް އަހަރެންގެ މަސައްކަތާ މެދު ހިތްހަމަޖެހޭ އިރު އަހަރެންގެ އަތުގައި މަސައްކަތެއް ނެތީ ކީއްވެހޭ، އަހަރެން އެހިން ރާޖު ހިރާނީ ގާތުގައި މަސައްކަތެއް ދޭން ، އޭނަ ވެސް ބުނީ އަހަރެން ވަރަށް މޮޅުކަމަށް، (މަސައްކަތެއް ނުދޭ)"އަރުޝަދު ބުނެފައި ވެއެވެ.
ބޮލީވުޑްގެ މެގަސްޓަރ އަމީތާބު ބަޗަންގެ ފިލްމު ކުންފުނި ، އަމީތާބު ބަޗަން ކޯޕަރޭޝަން ލިމިޓެޑް (އޭބީސީއެލް)އިން އޭނާއަށް ފުރުސަތުދީފައި އެ ފުރުސަތު އަތުލުމުން އަރްޝަދު ވަނީ އެކަން ވެސް ފާހަގަކޮށްފައެވެ. އެ ކުންފުނީގެ "ތޭރޭ މޭރޭ ސަޕްނޭ"އިއުލާންކުރި އިރު އަރްޝަދު ހިމެނުމަށް ފަހު ، ފަހުން އެ ކުންފުނިން ވަނީ އަރުޝަދު ދޫކޮށްލައިފައެވެ.
"އަހަރެން ކެރިއާ ފެށީ އޭބީސީއެލްއާ އެކު، ޖޯއީ އޮގަސްޓިން އަހަރެން މި ދާއިރާއަށް ވައްދައިދިނީ، އެކަމަކު އެމީހުން އަހަރެން ދޫކޮށްލީ ، ދެން އަހަންނަކަށް ނޭނގެ އަމީތާބަށް ކިޔަންވީ "ގޯޑްފާދަރ"ކަމެއް ނޫނީި އެހެން ނަމެއްކަމެއް"
އަރުޝަދު: މަސައްކަތެއް ނެތްކަމުގެ ޝަކުވާތައް ވަނީ އޮއްސައިލައިފައި
މަސައްކަތެއް ނުލިބުނު ނަމަވެސް އަރްޝަދު ފާހަގަ ކުރެވެނީ ބޮލީވުޑްގެ އެންމެ ކުޅަދާނަ ތަރީންގެ ތެރޭގައެވެ. އޭނާ ވަނީ ، 2007 ވަނަ އަހަރު ، ފިލްމު "ލަގޭ ރަހޯ މުންނާބާއީ"އިން ފިލްމް ފެއަރ އެވޯޑްގައި އެންމެ މޮޅު ކޮމޭޑިއަން އެވޯޑް ވެސް ހޯދައިފައެވެ. އޭނާގެ އެއްވެސް ފިލްމެއް މިދިޔަ އަހަރު ފެނިގެން ގޮސްފައެއް ނުވެއެވެ. ނަމަވެސް މި މަހު ރިލީސްކުރާ ބަޗަން ޕާންޑޭއިން އޭނާ ފެނިގެންދާނެއެވެ.
