މަސްވެރިންނަށްވީ ވައުދު ނުފުއްދިއްޖެ ނަމަ ރިޔާސީ އިންތިހާބުގައި އެމްޑީޕީ ފެއިލްވާނެ: ފިރުޝާން
މި ސަރުކާރު ވެރިކަމަށް އައުމަށް ޓަކައި މަސްވެރިންނަށްވީ ވައުދު ނުފުއްދިއްޖެ ނަމަ، ކުރިއަށް އޮތް ރިޔާސީ އިންތިހާބުގައި އެމްޑީޕީ ފެއިލްވާނެ ކަމަށް މަޑަވެލި ދާއިރާގެ މެންބަރު ހުސެއިން ފިރުޝާން ވިދާޅުވެއްޖެއެވެ.
މަސްވެރިންނާ މެދު ސަރުކާރުން އިހުމާލުވަމުންދާ ކަމަށް ވިދާޅުވެ، ފިރުޝާން ވަނީ މިއަދުގެ މަޖިލީހަށް ކުއްލި މައްސަލައެއް ވައްދައިފައެވެ. އެ މައްސަލަ ހުށަހަޅުއްވައިދެއްވަމުން ފިރުޝާން ވިދާޅުވީ ސަރުކާރުގެ ދައުރުގެ ބޮޑު ބައެއް ހޭދަވެގެން ދިޔައިރު ވެސް މަސްވެރިންނަށް ވެފައިވާ ވައުދުތައް ނުފުއްދި އޮތް ކަމަށާއި އެ ގޮތަށް ކުރިއަށް ދާނަމަ ކުރިއަށް އޮތް ރިޔާސީ އިންތިހާބުގައި އެމްޑީޕީ ފެއިލް ވެގެންދާނެ ކަމަށެވެ.
"މަސްވެރިކަމުގެ ގާނޫނުގައި ބަޔާން ކުރާ މަސްވެރިކަމުގެ މެނޭޖްމަންޓް ޕްލޭންތައް ހަދައި ތަންފީޒުކުރަން ސަރުކާރުން ފަސްޖެހޭ. ތެލުގެ އަގު ދުނިޔޭގެ ބާޒާރުގައި ވެސް ބޮޑުވަމުންދާއިރު މަހުގެ އަގު އުފުލައިދީފައެއް ނުވޭ. އޭގެ ސަބަބުން ތެލުގެ ހަރަދު ކަނޑައިފައި މަސް ދޯނީގައި ތިބި މަސްވެރިންނަށް ބަހާނެ ފައިސާ ވެސް ނެތިގެންދޭ" ފިރުޝާން ވިދާޅުވިއެވެ.
މީގެ އިތުރުން މަޑަވެލި ދާއިރާގެ މެންބަރު ވިދާޅުވީ މަސް ޕްރޮސެސްކުރާ ތަންތަނާއި ގޭދޮށު މަސް ޕްލާންޓާއި ކަނޑުގައި ގާއިމްކުރާ އޮފްޝޯ ޕްލެޓްފޯމް ނުވަތަ ކަންނެލި ޖަގަހަތަކެއް އަޅަން ގާނޫނުގައި އޮތަސް އޭގެ އަމަލީ ސިފަ ނުފެންނަ ކަމަށެވެ.
މިކަލޭގެ ތިންއަރު ވަންދެން އުޅުނީކޮންތާކުބާ މީނައަށް ތިންއަހަރު ވަން ދެން މަސްވެރިންގެ މަތީން ހަދުމަނެތި ފައިހުރީ ހިދުކޮޅު އައިސް ފައިހުރެ ގެން ހެންހީވަނީ