ޚާއްސަ އެހީއަށް ބޭނުންވެފައިވާ ޒުވާނެއްގެ އެދުމަށް، ޖަލްސާތައް ސައިން ލެންގުއޭޖުން ގެނެސްދެނީ
މިދިޔަ އަހަރުގެ ޑިސެމްބަރު މަހު ބޭއްވި ޔޫތު ޕާލިމަންޓްރީގައި ބައިވެރިވި އަޑުއެހުމުން މަހްރޫމްވެފައިވާ ޒުވާނެއްގެ އެދުމަށް، ރައްޔިތުންގެ މަޖިލީހުގެ ޖަލްސާތައް، ސައިން ލެންގުއޭޖުން ގެނެސްދޭން ނިންމައިފިއެވެ.
"ޕްރެކްޓިސް ޕާލަމަންޓް ފޯ ޔޫތު" ނުވަތަ ޔޫތު ޕާލިމަންޓަކީ މަޖިލީހުގެ މަސައްކަތްތަކަށް ޒުވާނުން އަހުލުވެރިކުރަން މަޖިލީހުން ކޮންމެ އަހަރަކު ވެސް ކުރިއަށް ގެންދާ ޕްރޮގްރާމެކެވެ.
މިކަމާ ގުޅޭގޮތުން ރައްޔިތުންގެ މަޖިލީހުގެ ކޮމިއުނިކޭޝަންސް ޑިރެކްޓަރު ހަސަން ޒިޔާއު މިއަދު ވިދާޅުވީ ޔޫތު ޕާލިމަންޓުގައި ބައިވެރިވި ޒުވާނާ، މަޖިލީހުގެ ރައީސް މުހައްމަދު ނަޝީދު އަރިހުން އެދިވަޑައިގެންނެވީ، އޭނާ ފަދަ އަޑުއެހުމުން މަހުރޫމްވެފައިވާ މީހުންނަށް އެނގޭނެ ގޮތަކަށް މަޖިލީހުގެ ޖަލްސާތައް ގެނެސްދިނުމަށް ކަމަށެވެ. އަދި ޖަވާބެއްގެ ގޮތުން އެކަން އެގޮތަށް ކޮށްދެއްވާނެ ކަމަށް ރައީސް ނަޝީދު ވިދާޅުވި ކަމަށް ވެސް ޒިޔާއު ވިދާޅުވިއެވެ.
އެގޮތުގެ މަތިން މަޖިލީހުގެ ޖަލްސާތައް ސައިން ލެންގުއޭޖުން ވެސް ގެނެސްދޭން މިހާރު ވަނީ ނިންމާފައެވެ.
އެގޮތުން އަންނަ ހޯމަ ދުވަހުން ފެށިގެން މަޖިލީހުގެ ހުރިހާ ޖަލްސާއެއް ވެސް ސައިން ލެންގުއޭޖުން ގެނެސްދޭނެ ކަމަށާއި އެކަންް ކުރާނީ ސައިން ލެންގުއޭޖް އިންޓަޕްރިޓާ މަރިޔަމް ފަޒްނީ ކަމަށް ވެސް ޒިޔާއު ވިދާޅުވިއެވެ.
ރައީސް ނަސީދު އަކީ އޯގާތެރި ހިތްތިރި ބޭފުޅެއް