އެމްޑީޕީން ވެރިކަމަށް ނެރެން ހުރި އެންމެ މަންފާހުރި ޕްރޮޑަކްޓަކީ ރައީސް ޞާލިޙް: މޫސަ
އެމްޑީޕީން މިވަގުތު ރާއްޖޭގެ ވެރިކަމަށް ގެންނަން ވިއްކަން އޮތް އެންމެ މަންފާހުރި ޕްރޮޑަކްޓަކީ ރައީސް އިބްރާހިމް މުޙައްމަދު ޞާލިޙް ކަމަށް އެ ޕާޓީގެ ކުރީގެ ޗެއާޕާސަން މޫސާ މަނިކު (ރީކޯ) މިއަދު ވިދާޅުވެއްޖެއެވެ.
ރާއްޖެ ޓީވީގެ ''ފަށާއިރު'' ޕްރޮގްރާމްގައި ދެއްކެވި ވާހަކައިގައި މޫސަ ވިދާޅުވީ އެމްޑީޕީގެ ރިޔާސީ ޕްރައިމަރީގައި އޭނާ ތާއީދު ކުރައްވާނީ ރައީސް ޞާލިޙަށް ކަމަށެވެ. އަދި ރައީސް ނަޝީދު ޕްރައިމަރީގައި ވާދަކުރައްވާނެކަމަށް ނުބެލެވޭ ކަމަށާއި ވާދަކުރެއްވިޔަސް ދޭތެރެ ޖެހޭ ގޮތަށް އެއްވެސް ވާހަކައެއް އެއްވެސް މީހަކު ދައްކައިގެން ނުވާނެކަމަށް މޫސަ ވިދާޅުވިއެވެ.
08 އަހަރަށްފަހު އެމްޑީޕީއާ އިއްޔެ ގުޅިވަޑައިގެންނެވި މޫސަ ވިދާޅުވީ ''އެ ވާހަކަ ދެއްކިޔަވެސް ނުދެއްވާނަން'' ކަމަށެވެ.
މޫސަ ވިދާޅުވި ގޮތުގައި ޕްރައިމަރީގައި ރައީސް ޞާލިޙަށް ތާއީދުކުރައްވަނީ އެމަނިކުފާނުގެ ޑެލިވަރީ ރަނގަޅުވުމުންނެވެ.
އަދި އެމްޑީޕީން މިވަގުތު ރާއްޖޭގެ ވެރިކަމުގައި ދެމިތިބުމަށްޓަކައި، ވިއްކަން އޮތް އެންމެ ރަނގަޅު ޕްރޮޑަކްޓަކީ ރައީސް ޞާލިޙް ކަމަށްވެސް މޫސަ ވިދާޅުވިއެވެ.
އެމްޑީޕީއަށް ގިނަ ޚިދުމަތްތަކެއް ކުރެއްވި އެ ޕާޓީގެ އެއް ފައުންޑަރ މެންބަރު މޫސަ އިތުރަށް ވިދާޅުވީ އަލުން ޕާޓީއާ ގުޅިވަޑައިގަތީ ޕާޓީ އެކަތިގަނޑަކަށް ހެދުމަށް މަސައްކަތް ކުރެއްވުމަށް ކަމުގައެވެ.
އެމްޑީޕީ ހައިޖާނުގަނޑެއްގެ ތެރޭގައި އޮތްއިރު, ރައީސް ނަޝީދު ވަނީ ދެވަނަ ދައުރަކަށް ރައީސް ޞާލިޙަށް ތާއީދު ނުކުރައްވާކަން ހާމަކުރައްވައިފައެވެ. އަދި އިންތިޚާބުން ރައީސް ޞާލޙަށް ނާކާމިޔާބުވުން ގާތް ކަމަށް ވެސް ނަޝީދު ވިދާޅުވެފައިވެއެވެ.
ތިލަފަޅު ހިއްކަން ހެވީލޯޑަށް ލިބުމަކީ ބޮޑު މަންފާއެއް ނުންތޯ !