ރައީސް ޔާމީންގެ މައްސަލައަށް އޭސީޕީ ރިޔާޟް ނުފޫޒު ފޯރުވާކަމަށް ބުނާ އޯޑިއޯއެއް
ކުރީގެ ރައީސް ޔާމީން ޢަބްދުލްޤައްޔޫމުގެ މައްޗަށް ހިންގި ތަޙްޤީޤުތަކުގައި ވަކި ގޮތަކަށް ބަޔާން ދިނުމަށް އަންގަވައި އެސިސްޓެންޓް ކޮމިޝަނަރ އޮފް ޕޮލިސް މުޙައްމަދު ރިޔާޟް ތަޙްޤީޤަށް ނުފޫޒު ފޯރުއްވަވާ އޯޑިއޯއެއް އެބައޮތް ކަމަށް ޔާމީންގެ ވަކީލުން ވިދާޅުވެއްޖެއެވެ.
ރައީސް ޔާމީންގެ ވަކީލުންގެ ޓީމުން މިއަދު ބޭއްވި ނޫސްވެރިންގެ ބައްދަލުވުމުގައި ވަކީލު ޢަލީ ޝާހް ވިދާޅުވީ ސިޔާސީ ބޭފުޅުން ހިމެނޭ މައްސަލަތަކުގައި ވަކި ގޮތަކަށް ބަޔާންދީ ވަކި ގޮތަކަށް އަމަލު ކުރެއްވުމަށް ފުލުހުންގެ ބައެއް އިސް ވެރިން މަސައްކަތް ކުރައްވާ ކަމުގައެވެ.
އެ ގޮތުން ރައީސް ޔާމީން ފްރޭމް ކުރުމަށްޓަކައި ކަންކަން ކުރުމަށާއި އެ ގޮތަށް ބަޔާންދީފިނަމަ ބައެއް މީހުންނަށް ދަޢުވާ ނުކުރައްވާނެ ކަމަށް ވިދާޅުވެފައި އެބަހުރި ކަމަށާއި އެފަދަ އޯޑިއޯތައް އެބަހުރި ކަމަށާއި އެ އެއްޗެހި ހުރިކަން ފުލުހުންނަށް ވެސް އެނގިލައްވާނެ ކަމަށް އޭނާ ވިދާޅުވިއެވެ.
އޭގެތެރޭގައި އޭސީޕީ ރިޔާޟްގެ އޯޑިއޯއެއް އެބައުޅޭ ކަމަށް ވެސް ވަކީލު ޢަލީ ޝާހް ވިދާޅުވިއެވެ.
މީގެ އިތުރުުން ޝާހް ވަނީ ދައުލަތުގެ މުއައްސަސާތަކުގެ ވެރިން ބަނގުރަލާއި އޫރުގެ ފޮޓޯ ނެންގެވުމާއި އެ އެއްޗެހި ގެންގުޅޭ މަންޒަރު ދެއްކެވުމާއި މިފަދަ އެތައް ކަމެއް ފާޅުވަމުންދާކަން ފާހަގަކުރައްވައި އަންނަން އޮތް ޖީލުތަކަަށް އެ ދެވެނީ ވަރަށް ނުބައި މެސެޖެއްކަމަށް ވެސް ވިދާޅުވެފައެވެ. އަދި އެފަަދަ ބޭފުޅުންގެ މައްޗަށް ތަޙްޤީޤު ނުހިންގަނީ ކީއްވެތޯ ވެސް ސުވާލު އުފެއްދެވިއެވެ.
ޝާހް ވިދާޅުވީ ކުށުގެ ތުހުމަތު ކުރެވޭ އެތައް ބޭފުޅުންނެއް ދައުލަތުުގެ އިސް މަޤާމްތަކުގައި ތިއްބެވިއިރު އެ ބޭފުޅުންގެ މައްސަލަތައް ނުބައްލަވައި ދޫކޮށްލައްވަނީ ޤާނޫނާ ޚިލާފަށް ކަމުގައެވެ. އެ ގޮތުން އެމްއެމްޕީއާރްސީގެ ޚިޔާނާތުގެ މައްސަލައިގައި ޔޫތު މިނިސްޓަރު އަޙްމަދު މަހްލޫފްގެ މައްޗަށް ދަޢުވާ އުފުލާފައިވާއިރު އޭނާގެ މައްސަލަ ނުބައްލަވައި މަޑުޖައްސާލައިފައިި އޮތީ ކީއްވެތޯ ވެސް ޝާހް ސުވާލު އުުފެއްދެވިއެވެ.
ކީއްތޯ ކުރާނީ މި ސަރުކާރު ބޮލުރޮދިކެނޑިއްޖެ ގޮތް ހުސްވެއްޖެ، ދަމާކަނޑާ ސަރުކާރެކޭ މިސަރުކާރެކޭ ތަފާތެއްނެތް، ހަދަންވި އެއްޗެއް ނުހަދަންވި އެއްޗެއް ނޭނގޭ ރައިއްޔަތުންނަށް ދެއްކި ހުވަފެއްތައް ވަޔަށް އޮޔަށް ބުރައިގެން ހިނގައްޖެ، ދޮގާމަކަރު ހަދާ ހަދާ އެދެކަންތައްވެސް ހުސްވެއްޖެ ދެންހެދޭނެ ދޮގެއް މަކަރެއް ދެން އެންމެފަހުން ބޯކަނޑައިގެން ވަޅަށް ވަދެ ތިއްބާ ފެންނާނީވެސް