މޭޔަރުގެ ރައްދު ޝަރީފަށް:ޢާއްމު ރައްޔިތުންގެ ގޭގެޔަށް ކޭބަލް ވެއްދުމަށް މަގުކޮނުމަކަށް އަގެއް ނުނަގާނެ
މަގުތައް ކޮނުމާއި ކޭބަލް އެޅުމުގެ އުސޫލެއް އެކުލަވާލައި އަގުތަކަށް ބަދަލު ގެނައުމުން އެއުސޫލުގެ ސަބަބުން އާއްމުރައްޔިތުންނަށް ބޮޑުތަކުލީފެއް އުފުލަން ޖެހިފައިވާކަމަށް ސްޓެލްކޯގެ މެނޭޖިން ޑިރެކްޓަރ އަހުމަދު ޝަރީފު މިއަދު ވިދާޅުވި ވިދާޅުވުމަށް މާލޭ ސިޓީގެ މޭޔަރ ޑރ. މުހައްމަދު މުއިއްޒު ރައްދު ދެއްވައިފިއެވެ.
ޑރ. މުއިއްޒު މިރޭ ވިދާޅުވީ ޢާއްމު ރައްޔިތުންގެ ގޭގެޔަށް ކޭބަލް ވެއްދުމަށް މަގުކޮނުމަކަށް އަގެއް ނުނަގާނެކަމަށާއި އަގު ނަގަން ފެށީ ކުންފުނިތަކުން ކަމަށެވެ.
"މަގުމަތީގައި ކުރާ މަސައްކަތްތަކުން އަގު ނެގުމަށް ސިޓީ ކައުންސިލުން ނިންމާފައިވަނީ ކުންފުނިތަކުގެ ޢިމާރާތްތަކާއި ގުޅޭ މަސައްކަތް ތަކުން. ޢާއްމު ރައްޔިތުންގެ ގޭގެޔަށް ކަރަންޓު ކޭބަލް ވެއްދުމާއި، ފެން ގުޅުމާއި، އެކިކަންކަމުގައި ކޭބަލް ވެއްދުމަށް މަގުކޮނުމަކަށް އަގެއް ނުނަގާނެ!" ޑރ. މުއިއްޒު ވިދާޅުވިއެވެ.
ޑރ. މުއިއްޒު މިހެން ވިދާޅުވީ ބައެއް ހިދުމަތްތަކުގެ އަގަށް ދާދިފަހުން މާލޭ ސިޓީކައުންސިލުން ގެނައި ބަދަލުތަކަކީ އެއްވެސް ފަރާތަކާއި މަޝްވަރާ ކުރުމެއްނެތި ގެނެސްފައިވާ ބަދަލުތަކެއްކަމަށާއި އެއީ ބާތިލް އުސޫލެއްކަމަށް ކަނޑައަޅަށް ކޯޓަށް ދާނެކަމަށް ސްޓެލްކޯގެ މެނޭޖިން ޑިރެކްޓަރ އަހުމަދު ޝަރީފު މިއަދު ވިދާޅުވެފައިވަނިކޮށެވެ.
ސްޓެލްކޯއިން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ޝަރީފް ވިދާޅުވީ 1 ޖެނުއަރީއިން ފެށިގެން މާލޭ ސިޓީކައުންސިލުން އެކުލަވާލި އުސޫލަކީ ބާތިލް އުސޫލެއްކަމަށާއި އެއުސޫލާއެކު ގެނައި ބަދަލުތަކުގެ ސަބަބުން ރައްޔިތުންނަށް ތަކުލީފުތަކާއި ކުރިމަތި ލާންޖެހިފައިވާކަމަށެވެ.
ސުޓެލްކޯ ގެ ފަރާތުން އާއްމު ރައްޔިތު މީހާއަށް ހިދުމަތް ފޯރުކޮށް ދޭން މަގު ކޮނެ ދޭ ކަމަށް ވާނަމަ، ސިޓީ ކައުންސިލް އިން ސުޓެލްކޯ އަތުން ފައިސާ ނަގާ ކަމަށްވާނަމަ، ސުޓެލްކޯ އަށް އެބަ މަޖުބޫރު ވެޔޭ އާއްމު ރައްޔިތުމީހާ އަތުން ނަގަން. އާއްމު ރައްޔިތު މީހާއަށް ފަސޭހައެއް ނުވާނެ މަގު ކޮންނަން ވީމަ.
މާ މޮޅެތި ވާހަކަ ދައްކާނެ ކަމެއް ނެތް ޝަރީފް. ރަށްރަށުގައި މުޅިންވެސް ސްޓެލްކޯއިން ގޭގެއަށް ކަރަންޓް ކޭބަލް އަޅައިދެނީ ރައްޔިތުމީހާ ޖީބުން ކޮނުމުގެ ޚަރަދު ނަގައިގެން.
ފެނާ ކަރަންޓަކީ އަސާސީ ހިދުމަތްކަމަށް މިބުނަނީއެކަމަކު އަހަރުނިމޭއިރު މިލިއަނުން ފައިދާ ސަރީފް މިކަންބުނެދީބަލަ ‘ބޯހަލާކު