ޖޭޕީން ރިޔާސީ އިންތިޚާބަށް ނުކުންނަން ޤަރާރެއް ފާާސްކޮށްފި
ޖުމްހޫރީ ޕާޓީ (ޖޭޕީ) އިން އިސްވެ އޮންނަ ކޯލިޝަނެއް ހަދައި ކުރިއަށް އޮތް ރިޔާސީ އިންތިޚާބުގައި ވާދަކުރުމަށް ޖޭޕީ ގައުމީ ކޮންފަރެންސް އިން ނިންމައިފިއެވެ.
ޖޭޕީން މިގޮތަށް ނިންމީ ރިޔާސީ އިންތިޚާބުގައި ޖޭޕީން އަމަަލުކުރާނެ ގޮތެއް ނިންމުމަށް ތިނަދޫ އުތުރު ދާއިރާގެ ކުރީގެ މަޖިލިސް މެންބަރު އަބްޅޯ، މިހާރު ހިނގާމުންދާ ޖޭޕީގެ ކޮންފަރެންސްއަށް ހުށަހެޅި ގަރާރަށް މެންބަރުން ބަހުސް ކުރުމަށްފަހުއެެވެ. މި ޤަރާރަށް ތާއީދުކުރެއްވީ ކުރީގެ މަޖިލިސް މެންބަރު އަލީ ޝާހްއެވެ.
އަބްޅޯ ހުށަހެޅުއްވި ޤަރާގައި އެދިވަޑައިގެންފައިވަނީ ޖުމްހޫރީ ޕާޓީން ރިޔާސީ ކެންޑިޑޭޓެއް ނެރެ އިންތިހާބުގައި ވާދަކުރުމަށެވެ.
ޤަރާރުގައި ބުނެފައިވަނީ ކޮންމެ ރިޔާސީ އިންތިޚާބެއްގައިވެސް ކާމިޔާބު ކުރެއްވި ކެންޑިޑޭޓަކު އެކަން ކުރެއްވީ ޖުމްހޫރީ ޕާޓީއާ އެކު ކޯލިޝަން ހަދައިގެން ނަމަވެސް ވެރިކަމަށް ވަޑައިގަންނަވާ ބޭފުޅުން ވެރިކަން ލިބިވަޑައިގަތުމުން ޖޭޕީއާ މެދު އަމަލުކޮށްފައިވަނީ އެންމެ ރަނގަޅަށް ނޫން ކަމަށެވެ.
މި ޤަރާރު ފާސްކުރީ ކޮންފަރެންސްގައި ބައިވެރިވި ހުރިހާ މެންބަރުންގެ އިއްތިފާޤުންނެވެ. މިޤަރާރަށް ކުރި ބަހުސްގައި ރައީސް އޮފީހުގެ މިނިސްޓަރ ސަމީރު ފިޔަވައި ދެން ވާހަކަ ދެއްކެވި ހުރިހާ މެމްބަރުން ވަނީ ޖޭޕީން ކެނޑިޑޭޓަކު ނެރުމަށް ތާއީދު ކޮށްފައެވެ. ސަމީރު ތާއީދު ކުރެއްވީ އެމްޑީޕީއާއި ކޯލިޝަން ހެދުމަށެވެ.
