ކޯލިޝަން ހަދަން ގާސިމްގެ ދައުވަތު ޕީޕީއެމާއި އެމްއެންޕީއަށް

ޖުމްހޫރީ ޕާޓީ (ޖޭޕީ)ގެ ފަރާތުން މި އަހަރުގެ ރިޔާސީ އިންތިޚާބުގައި ވާދަކުރައްވާ އެ ޕާޓީގެ ލީޑަރު އަދި މާމިގިލީ ދާއިރާގެ މެންބަރު ގާސިމް އިބްރާހިމްގެ ފަރާތުން އިދިކޮޅު ޕީޕީއެމާއި އެމްއެންޕީ ހިމެނޭހެން ޖުމުލަ ފަސް ފަރާތަކަށް މިއަދު ކޯލިޝަން ދައުވަތު ފޮނުއްވަން ނިންމައިފިއެވެ.

Ads by Sosun Fihaara

ގާސިމްގެ ފަރާތުން ކޯލިޝަން ދައުވަތު ފޮނުވާފައިވަން ނިންމާފައިވަނީ ޕީޕީއެމް/ޕީއެންސީ, އެމްއެންޕީ, އެމްއާރްއެމް, ކުރީގެ ބަންޑާރަ ނައިބު ޑރ. މުހައްމަދު މުނައްވަރު އަދި ކުރީގެ ހޯމް މިނިސްޓަރު އުމަރު ނަސީރަށެވެ.

އަންނަ ސެޕްޓެމްބަރުމަހުގެ 9 ވަނަ ދުވަހު ބާއްވާ އާންމު އިންތިޚާބުގައި ވަކިން ވާދަކުރަން ނިންމައި، ޖޭޕީގެ ރިޔާސީ ޕްރައިމަރީގައި ވާދަކުރުމުގެ ފުރުސަތު ހުޅުވާލީ މިމަހުގެ 16 ވަނަ ދުވަހުއެވެ.

ކުރިއަށް އޮތް ރިޔާސީ އިންތިހާބުގައި ވާދަކުރަން މިހާތަނަށް ނިންމާފައިވަނީ ގާސިމްގެ އިތުރުން އެމްޑީޕީގެ ރިޔާސީ ކެނޑިޑޭޓް އަދި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހާއި ޕީޕީއެމްގެ ރިޔާސީ ކެނޑިޑޭޓް ރައީސް އަބްދުﷲ ޔާމީންއެވެ.