ހަނގާކުރުމާއި ފުރައްސާރަކުރުމަކީ ރައީސް ޞާލިޙުގެ ސިޔާސަތެއްނޫން: ރޮޒައިނާ
ހަނގާކުރުމާއި ފުރައްސާރަކުރުމަކީ ރައީސް ޞާލިޙުގެ ސިޔާސަތެއްނޫންކަމަށާއި، އެމްޑީޕީ ނުރޫޅޭނެކަމަށް އައްޑޫ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ މިއަދު ކުރެއްވި ޓްވީޓެއްގައި ވިދާޅުވީ ރައީސް ޞާލިޙްއަކީ އެކުވެރިކަމާއެކު މީހުންނާ ގުޅިގެން މަސައްކަތްކޮށް އެކަމަށް ހިތްވަރުދެއްވާ ބޭފުޅެއްކަމަށާއި، ބައިބައިކުރުމާއި ރޫޅާލުންފަދަ ކަންކަން ކުރުމަކީ އެމަނިކުފާނުގެ ސިޔާސަތެއް ނޫންކަމަށެވެ.
މީގެ އިތުރުން، ރައީސް ޞާލިޙްއަކީ ކެތްތެރިބޭފުޅެއްކަން ފާހަގަކުރައްވަމުން ރޮޒައިނާ ވިދާޅުވީ އެމަނިކުފާނަކީ ކަންކަމުގައި ޙައްލު ހޯއްދަވާ ބޭފުޅެއްކަމަށެވެ.
ރޮޒައިނާ މިހެން ވިދާޅުވެ ޓްވީޓު ކުރައްވާފައިވަނީ ރައީސް ނަޝީދު އެމްޑީޕީގެ ރައީސް ކަމުގެ މަޤާމުގައި ހުންނެވުމަށްފަހު އެޕާޓީން ވަކިވެ، އެމަނިކުފާނަށް ތާއީދު ކުރައްވާ މަޖިލިސް މެންބަރުންތަކެއް އުފެއްދެވި "ދަ ޑިމޮކްރެޓްސް"އަށް ސޮއި ކުރުމަށް ބޭއްވި ޖަލްސާގައި ދެއްކެވި ވާހަކަފުޅުގައި، ވެރިކަން ކުރާ ކޯލިޝަންގެ މައި ޕާޓީ, އެމްޑީޕީ ރޫޅާލާނެ ކަމަށް ވިދާޅުވެ އެމަނިކުފާނު ދެއްވި އިންޒާރާއި ގުޅުވައިގެންނެވެ.
"އަޅުގަނޑު ދަންނަވާނަން އެމްޑީޕީގެ ހުރިހާ މެންބަރުންނަށް އިރާދަކުރެއްވިއްޔާ އަޅުގަނޑު ރޫޅާލާނަން. ރޫޅާލާނަން. ރޫޅާލާނަން. ރޫޅާލާނަން. ރޫޅާލާނަން. ރޫޅާލަނަން. ތިކެޔޮގަނޑުގެ ފޫވަށް ވެއްޓިއްޖެ. ތިޕާޓީ އަޅުގަނޑުމެން ރޫޅާލާނަން،" ރައީސް ނަޝީދު ވާހަކަފުޅު ފައްޓަވަމުން އަދި ނިންމާލަމުން ވެސް ތަކުރާރު ކުރައްވާފައިވެއެވެ.
ރައީސް ނަޝީދުގެ ވާހަކަފުޅަށް ރައްދުދެއްވަމުން، ރޮޒައިނާ ވިދާޅުވީ ދިވެހިންނަށް އުފާވެރި އަމާން ރާއްޖެއެއް ހޯދައިދެވޭނީ ރައީސް ޞާލިޙަށް ކަމަށެވެ.
އެއީ ރޮޒެއިނާގެ ސިޔާސަތެއް.