ދަރަނިވެރިވެގެންގޮސް ގޭގެ ގޯތިތަކުންވެސް އަދި ޓެކްސް ނަގާނެ: ޤާސިމް
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙުގެ ސަރުކާރުން އައިސް ރައްޔިތުން ދަރަނިވެރިކޮށްފިކަމަށާއި ވަކި ހިސާބަކުން ގޭގެ ގޯތިތަކުންވެސް ޓެކްސް ނަގަން ޖެހޭނެކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ.
ރިޔާސީ އިންތިޚާބުގެ ކެމްޕޭނަށް ބ. ދަރަވަންދޫއަށް ވަޑައިގެން ބޭއްވި ޖަލްސާއެއްގައި ވާހަކަފުޅުދައްކަވަމުން ޤާސިމް ވިދާޅުވީ، އެކި ގައުމުތަކުން ލޯނުތައް ނަގަމުން ގޮސް ދަރަނިވެރިގެ އެންމެ ފަހުން، ރާއްޖޭގެ ޓެކްސް ބޮޑުކޮށް ގޭގެ ގޯތިތަކުންވެސް ޓެކްސް ނަގަން ފަށާ ހިސާބަށް ދާނެ ކަަމަށާއި ރާއްޖޭގެ ވެރިއަކަށް ހުންނެވި ބޭފުޅަކު ހުރީ ރާއްޖޭގެ ގާނޫނު އަސާސީއާ ހިލާފަށް އެއް ކަމެއް ދެ ކަމަކަށް ވުރެެ ގިނަ ކަންކަން ކުރައްވާފައި ކަމަށެވެ.
"އޭގެ އިތުރަށް ވަރަށް ބޮޑެތި ދަރަނިތައް ނަންގަވައިގެން އަޅުގަނޑުމެންނަށް ނުދެއްކޭ ވަރަށް ހުރި ދަރަނިތައް ބޮލުގައި އަޅުވާފައި. އޭގެ ނަތިޖާއަކަށް ވާނީ މާދަމާވެސް އަޅުގަނޑުމެންގެ ރާއްޖޭގެ ޓެކްސް ބޮޑުކޮށް ގޭގެ ގޯތިތަކުންވެސް ޓެކްސް ނަގަން ފެށުން" ޤާސިމް ވިދާޅުވިއެވެ.
މި ސަރުކާރުން ދަރަނި އެތައް ގުނައަކަށް މައްޗަށް ގޮސްފައިވާ ކަަމަށް ފާހަގަކުރައްވަމުން ޤާސިމް ވިދާޅުވީ އަދި މީހުން ދިރިއުޅޭ ތަންތަނުންވެސް ޓެކްސް ނަގަން ފަށާނެ ކަމަށާއި މިހެން ހަދައިގެން ނޫން ގޮތަކަށް ދެކޮޅު ނުޖެއްސޭނެ ކަމަށެވެ.
"ނެގި ހުރިހާ ލާރިއެއް 100 މިލިއަން ރުފިޔާގެ ޕްރޮޖެކްޓެއް ވިއްޔާ، 150 މިލިއަން 200 މިލިއަން ޖައްސައިގެން މި ކުރަނީ ރާއްޖޭގެ ހުރިހާ ރަށަކުން، ލަދެއް ހަޔާތެއް ނެތި ފެނަކަ އާއި ބެނަކަ އާއި މެޓަލްކޯ އާ މިތަންތަނުން ވަޒީފާ ދީގެން މި މީހުން މިކަން ކުރަނީ،". ޤާސިމް ވިދާޅުވިއެވެ.
ދިވެހިންނަށް ވަޒީފާ ދޭނަމަ ރަނގަޅު ކަމަށާއި، ނަމަވެސް މި ކުރަނީ ކީއްތޯ ވިދާޅުވެ ޤާސިމް ވަނީ ސުވާލުކުރައްވާފައެވެ.
"ބައެއް މީހުން ބުނާތީ އަޑު އިވޭ ރިޝްވަތޭ އެ ދެނީ، އަޅުގަނޑު ކޮންމެހެން ބުނާކަށް ނޫން މި އުޅެނީ، އަމިއްލައަށް ކޮންމެހެން ވިސްނާލީމަ އެނގޭނީ. ކޮންމެހެންވެސް ވެރިކަމަށް އައުމުގެ ބޭނުމުގައި.". ޤާސިމް ވިދާޅުވިއެވެ.
މީގެ އިތުރުން، ރިޔާސީ އިންތިހާބަށް ނުކުމެވަޑައިގަތީ އިސްލާހަށް މަސައްކަތް ކުރެއްވުމަށް ކަމަށާއި ގައުމު، މާދަމާ ބޮޑު އަލިފާންގަނޑަކަށް ވެއްޓިގެން ދާ މަންޒަރު ބައްލަވަން ހުރެވެން ނެތްކަމަށެވެ.
ތިތެދެން މިހާރު ހިގާއިރު ފިޔަވަޅުވެސް ދުރުރުދުރުގައަޅަމުންހިގަންމިފަރިތަކުރަނީ މިސަރުކާރުން އަދިމީބުންއަޅާ.ފިޔަވަޅަޒްވެސް.ލާރިނަގާނެއަތީ.ނޭވާވެސްލާންވީދެނމަދުން ލާކޮއްމެނޭވާޔަކަން. ޓެކުސްނަގަން ފެށުމުގެކުރިން
ސޭޓް މިހާރުވެސް އެބަނަގާ ފާހާނާ ތަށިގަޑަށްވެސް، މިރާއްޖޭގެ ދަރަނީގެ ބޮޑުބަޔެއް އެއީ ސޭޓް އެގޮތް މިގޮތަށް ނަގާފަހުރި ދަރަނި ކަމަށްވަނީ !
އެއްމެ ފުރަތަ ޓެކްސް ނަގާގޮތަށް މި ވިސްނަކީ ކުނޫޒް އޭ ކިޔާ ބަންޑާރަ ގޯތި ލިބިފައިވާ ނިކަމެތި ފަޤީރެއްގެ އަތުން.
މިހާރު ރާއްޖޭގެ ދަރަނި އޮތްގޮތުން ރާއްޖެގަ ހުރި ހުރިހާގޯއްޗެއްގެ އަގު ކަނޑައަޅާ ބިން އަމިއްލަ ކުރާ ސްކީމެއް އުފައދާ.އެރށްރަށަކުން އާމަދަނީ ލިބޭ މިންވަރަކަށް ނިސްބަތްކޮށްގެން ފައިސާ ދައކާހަލާސްކުރާފަދަ ބިންވެރިޔާގެ ސްކީމެއް ތައާރަފް ކުރަންފެނޭ،
މާދަމާ މި މުސާރަ ދޭންޖެހޭ ދުވަސްކަން ހަނދާން ކުރާތި!!!