ކުރިޔަށް އޮތް ތިން މަސް ދުވަހުގެ ތެރޭގައި ކާޑެއްދޫ އެއާޕޯޓްގެ މަސައްކަތް ފަށާނަން: ޤާސިމް
ވެރިކަމަށް ވަޑައިގެން ވެރިކަމުގެ ފުރަތަމަ ތިން މަސް ދުވަހުގެ ތެރޭގައި ކާޑެއްދޫ އެއާޕޯޓް ތަރައްގީ ކުރަން ފައްޓަވާނެ ކަމަށް އެ އެއާޕޯޓް ހިންގާ އަދި ވިލާ އެއާގެ ވެރިޔާ އަދި ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމު އިބްރާހީމް ވިދާޅުވެއްޖެއެވެ.
ރިޔާސީ އިންތިހާބުގެ ކެންޕެއިނަށް ގދ. ތިނަދޫއަށް ވަޑައިގެން ބޭއްވި ޖަލްސާގައި ވާހަކަފުޅުދައްކަވަމުން ޤާސިމް ވިދާޅުވީ އެންމެ ލަސްވެގެން ކުރިއަށް އޮތް ތިން މަސް ނުވަތަ ދެ މަސް ދުވަހުގެ ތެރޭގައި އެ ރަށަށް ބޭނުންވާ ރަންވޭ އެޅުމަށް، އެއީ ވައިޑް ބޮޑީ އެއާކްރާފްޓު ޖެއްސޭ ވަރުގެ ރަންވޭއެއް އެޅުމަށް، ބޭނުންވާ ފަޅު ހިއްކުމުގެ މަސައްކަތް ފަށާނެ ކަމަށެވެ.
"2800 މީޓަރުގެ ދިގުމިނުގެ ރަންވޭއެއް، އެއީ ވައިޑް ބޮޑީ އެއާކްރާފްޓް ޖެއްސޭ ވަރުގެ ރަންވޭއެއް އެޅުމަށް ޓަކައި ބޭނުންވާ ފަޅު ހިއްކުމުގެ މަަސައްކަތް މާތް ﷲ ގެ ވާގިފުޅާ އެކީގައި އަޅުގަނޑު ފަށްޓާނަން،" ގާސިމް ވިދާޅުވިއެވެ.
ޤާސިމް ވިދާޅުވީ ކާޑެއްދޫ އެއާޕޯޓާއި މިސަރަހައްދުގެ މަސްވެރިކަމުގެ ސިނާއަތް އެހެން ލެވެލްއަކަށް ގެންގޮސް ދެއްވާނީ އޭނާގެ ވެރިކަމުގައި ކަމަށެވެ. އަދި ޖޭޕީގެ މެނިފެސްޓޯގައި ވެސް ހިމަނާފައިވާ ގޮތަށް، ޖޭޕީގެ ވެރިކަމެއްގައި މަސްވެރިންގެ އަތުން މަސްގަންނަ އަގު މަދުވެގެން 26ރ. އަށް ބޮޑުކޮށްދެއްވާނެ ކަމަށް ވިދާޅުވިއެވެ.
10 އަހަރު ފުރި 11 އަހަރުމިވީ ކާދެއްދޫ ގާސިމަށް ލިބުނުތާ ހޯޑެއްދޫ މަސައްކަތަށް 17އަހަރުވީ މަސައްކަތް ކުރާތާ ކިތަންމެމުއްސަނދިވިޔަސް މަސައްކަތެއް ކުރިޔަކަށް ނުދޭ
ތިޔަ ކާޑެއްދޫ ތަރައގީކުރުމުގެ ނަމުގަ ގާސިމް ހަވާލުވެގެން އުޅޭތާ ކިތައް އަހަރު ވެއްޖެ އެއްވެސް ކަމެއް މިހާތަނަށް ކޮށްފާނެތް. އެއްވެސް ކަމެއްނުކުރާތީ އެގްރީމެންޓް ބާތިލް ކުރުމުން 50 މިލިއަން ރުފިޔާ ބަދަލުގެގޮތުގަވެސް ނަގައިފި . ހަރާމެއްހަލާލެއްނުބަލާ ނެގުނުގޮތަކަށް ފައިސާހޯދާކަންމިވަރުން ރައްޔިތުންނަށް އެގޭވަރުވާނެކަމަށްދެކެން.